Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улс (БНЭУ)-ын Ерөнхийлөгч Дроупади Мурму болон Ерөнхий сайд Нарендра Модигийн урилгаар 2025 оны 10 дугаар сарын 13-16-ны өдрүүдэд тус улсад төрийн айлчлал хийж байна. Айлчлалын үеэр Ерөнхийлөгч У.Хүрэлсүх, БНЭУ-ын Ерөнхий сайд Нарендра Моди нар албан ёсны хэлэлцээ хийж, хоёр орны стратегийн түншлэлийн харилцааг бэхжүүлэх тухай хамтарсан мэдэгдэл гаргалаа. Энэ үеэр Ерөнхийлөгч У.Хүрэлсүх хэлсэн үгэндээ “Монгол, Энэтхэгийн хамтын ажиллагааны бэлгэ тэмдэг болсон Газрын тос боловсруулах үйлдвэрийн бүтээн байгуулалт нь манай улсын эдийн засгийн аюулгүй байдлыг бэхжүүлэх, улс орны цаашдын хөгжил дэвшилд стратегийн чухал, онцгой ач холбогдолтой төсөл юм” гэдгийг онцлон тэмдэглэв. Энэхүү айлчлалын бүрэлдэхүүнд УИХ-ын гишүүд, Засгийн газрын гишүүдийн төлөөлөл, Монгол-Энэтхэгийн хамтарсан Газрын тос боловсруулах үйлдвэрийн төслийн ажлын хүрээнд “Эрдэнэс Монгол” нэгдлийн гүйцэтгэх захирал С.Наранцогт, “Монгол газрын тос боловсруулах үйлдвэр” ТӨХХК-ийн гүйцэтгэх захирал Д.Алтанцэцэг нар ажиллаж байна. Айлчлалын хүрээнд зохион байгуулагдсан Монгол-Энэтхэгийн бизнес форумд Монгол Улсаас 13 салбарын 43 аж ахуйн нэгж, Энэтхэгээс 100 орчим аж ахуйн нэгжийн төлөөлөл оролцож, өөрсдийн бүтээгдэхүүн, үйлчилгээгээ танилцуулж, бизнесийн хамтын ажиллагаа өрнүүллээ. Бизнес форумын үеэр “Эрдэнэс Монгол” нэгдлийн гүйцэтгэх захирал С.Наранцогт БНЭУ-ын хамгийн том төрийн өмчит ган үйлдвэрлэгчдийн нэг “Steel Authority of India Limited” (SAIL) компанийн ерөнхий менежер Панкэж Пүритэй уулзаж, коксжих нүүрсний экспортын чиглэлд хамтран ажиллахаар санал солилцлоо. Энэтхэгийн SAIL компани нь Монгол Улсаас коксжих нүүрс нийлүүлэх анхны туршилтын бараа эргэлтийн багцыг хүлээн авахад бэлэн байгаагаа илэрхийллээ

Уул уурхай, эрдэс баялгийн салбарын чиг хандлагыг тодорхойлогч, дэвшилтэт техник, технологийн дэвшлийг дэлгэн харуулдаг уул уурхайн салбарын олон улсын томоохон арга хэмжээ болох “China Mining 2025” БНХАУ-ын Тяньжин хотод 2025 оны 10 дугаар сарын 23-25-ны өдрүүдэд болж байна. Дэлхийн 40 гаруй орон, 400 гаруй аж ахуйн нэгжийн төлөөлөл, 10 мянга гаруй төлөөлөгч оролцож буй энэхүү арга хэмжээнд “Эрдэнэс Монгол” нэгдэл зарим бүрэлдэхүүн компаниудын хамт оролцож, өөрсдийн үйл ажиллагаа болон онцлох төслүүдээ хөрөнгө оруулагчдад танилцуулж байна. Уг арга хэмжээний эхний өдөр “Mining in Mongolia” салбар хуралдаан болж, Монгол Улсын уул уурхай, эрдэс баялгийн салбарт баримталж буй төрийн бодлого, цаашид хамтран ажиллах боломжуудын талаар 150 гаруй зочид төлөөлөгч, бизнес эрхлэгчдэд Аж үйлдвэр эрдэс баялгийн яам, Ашигт малтмал, газрын тосны газар, “Эрдэнэс Монгол” нэгдэл, “Эрдэнэс Тавантолгой” ХК, “Монголын хөрөнгийн бирж” ХК-иас танилцуулга хийв. Тус салбар хуралдаанд “Эрдэнэс Монгол” нэгдлийн Чанар, бүтээмж хариуцсан менежер Д.Ядамжав “Нэгдлийн үйл ажиллагаа ба хөрөнгө оруулалтын боломж” сэдэвт илтгэл тавьсан бөгөөд “Эрдэнэс Монгол” нэгдэл олон улсын жишигт нийцсэн Үйлдвэрлэл, технологийн паркийн төсөл хэрэгжүүлж байгааг тодотгоод, хөрөнгө оруулагчдад үзүүлж буй хууль эрхзүй болон эдийн засаг, татварын бодит дэмжлэг, боломжуудын талаар онцоллоо. Техник, технологийн дэвшлээр олон улсад тэргүүлэгчдийн нэг БНХАУ нь чухал ашигт малтмалын хайгуул судалгаа, олборлолт болон төмрийн хүдэр, нүүрсний зах зээлд хамтран ажиллах сонирхлоо илэрхийлж, Монголын талтай уул уурхайн салбарын нөөц боломж, эдийн засгийн үр өгөөж, гадаадын хөрөнгө оруулагчдад чиглэсэн хууль эрх зүйн орчныг хөндсөн хоёр талт уулзалтуудыг зохион байгууллаа. “China Mining 2025” арга хэмжээнд Монгол Улс хоёр дахь жилдээ оролцож байна

 УИХ-аар батлаад буй Үндэсний баялгийн сангийн тухай хуультай холбоотойгоор Монгол дахь Америк-Монголын худалдааны танхим (АмЧам), Европын болон Австралийн Худалдааны танхимаас хэвлэлийн хурал хийлээ.   Монгол дахь Австралийн Худалдааны танхимын ТУЗ-ийн дарга, “Сэндвик Монгол” компанийн захирал Брэд Кларк энэ үеэр хэлэхдээ, “Аливаа улс орон Баялгийн сан байгуулахдаа нээлттэй, шилэн байдлыг эрхэмлэдэг. Энэ бол урт хугацаанд ашиг, орлогоо өгч, хувь хүртээдэг сан юм