Байгаль орчин

"Тэрбум мод" үндэсний хөдөлгөөнийг эхлүүлж дүүрэг бүрд 3000-5000 нүх ухжээ10 сар 4. 8:57

Монгол Улсын Ерөнхийлөгчийн санаачилгаар нэг тэрбум мод тарих үндэсний хөдөлгөөнийг Нийслэлийн хэмжээнд зохион байгуулж мод тарьж, ойжуулах ажлыг Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Улаанбаатар хотын Ерөнхий менежер Т.Гантөмөр нарт даалгасны дагуу 2021 оны 10 сарын 04-нөөс 10 сарын 11-ний өдрүүдэд дараах байршлуудад эхлүүлэхээр бэлтгэл ажлыг хангажээ. Уг ажлын хүрээнд Налайх дүүргийн 2 дугаар хороо Налайх цэцэрлэгт хүрээлэнгийн мод тарих талбайд Хотын Ерөнхий менежер, Хотын тохижилт цэцэрлэгжүүлэлтийн хэлтсээс тогтмол хяналт тавин, ажлын явцыг шалгасан байна. Өгсөн үүргийн дагуу үндсэн 5000 нүхийг цэргийн ангитай хамтран ухаж бэлдсэн ба блок бүрээр тууз татан мод тарих байгууллагуудад зориулсан мэдээллийн самбар, дугаар бүхий пайз зоосон байна. Долоо хоног үргэлжлэх тус байгууллагуудад зориулсан хоёр гэр барих, арга хэмжээнд зориулан тайз засжээ

Цагаан давааны хогийн цэгийн найман га талбайг нөхөн сэргээлээ9 сар 6. 10:10

Улаанбаатар хотод Нарангийн энгэр, Цагаан даваа, Морин давааны төвлөрсөн гурван том хогийн цэг байдаг. Нийслэлийн зургаан дүүргээс гарч буй хог хаягдлыг тус хогийн цэгүүд хүлээн авдаг байна

Хууль бусаар угалз агнаж буй гэмт хэргийг таслан зогсоохыг шаардав8 сар 18. 11:05

Угалз агнуурын зөвшөөрөлтэй холбоотой БОАЖЯ-ны албан тушаалтнуудын эдийн засгийн зохион байгуулалттай гэмт хэргийг таслан зогсоох, шударга үнэн зөв шийдвэр гаргуулахыг Судлаач агнуур зүйч доктор С.Амгаланбаатар МБОИЗ-ын хяналтын хорооны дарга Ж.Ганбаатар нар шаардаж байна. Тэд дараах шаардлагыг Ерөнхий сайд Л.Оюун-Эрдэнэд хүргүүлж байгаа юм. Монголчууд ан агнуурын талаар дэлхийд танигдсан соёлтой, олон мянган жилийн уламжлал, туршлагатай ард түмэн билээ. Гэвч энэхүү уламжлал, соёл нь сүүлийн жилүүдэд амьтны амиар зугаагаа хийгсэд, ховор амьтдыг түрийвчээ зузаалах хэрэгсэл гэж үздэг улс төрчид, өөрөөсөө өндөр албан тушаалтанд тал засаж, тусгай зөвшөөрөл олгодог эрх бүхий хүмүүсийн балгаар улам бүр алдагдсаар байна. Би агнуур судлалаар 40 гаруй жил, аргаль хонины биологи, экологийн судалгааг 30 гаруй жил хийж ирсэн бөгөөд тухай бүр ан агнуурын салбарт тулгамдаж буй асуудал, ялангуяа тусгай зориулалтын, түүний дотор угалз агнуурыг зүй зохистой байлгахаар хичээн санал өгсөөр ирсэн боловч төрийн захиргааны төв байгууллага-БОАЖЯ төдийлөн анхаарч үзэлгүй байсаар өдийг хүрлээ. Монгол улсад угалз агнуулах зөвшөөрөл олгож ирсэн сүүлийн 20 жилийн туршид 3 оронтой тоонд хүргэсэн анхны сайд нь та болж энэ салбарын түүхэнд “хараар” тэмдэглэгдэн үлдэж байна.  Агнуурын нөөц ашиглалтаас орсон орлогын дийлэнх хувийг амьтнаа хамгаалах, судлах, судлаачид бэлтгэх, популяцийн болон менежментийн төлөвлөгөөний хэрэгжилтэд мониторинг хийх, сургалт, сурталчилгаа гм олон ажилд зарцуулах ёстой гэж үздэг

Сэрэмжлүүлэг: Манай улсад нийт 122.6 га талбай түймэрт өртжээ8 сар 11. 11:44

Дэлхий нийтэд өнөөдрийн байдлаар АНУ, Турк, Грек, ОХУ зэрэг улсуудад томоохон хэмжээний ой, хээрийн гал түймэр гараад байна. Манай улсын хойд хөрш ОХУ-ын 19 бүс нутагт томоохон хэмжээний ой, хээрийн түймэр гарч үүнээс Бүгд Найрамдах Саха (Якут)-д 111 ойн гал түймэрт 1.417.718 га талбай, мөн Эрхүү мужид 27 ой, хээрийн түймэр гарч 111.629 га талбай шатлагад өртөөд байна

Хүннүгийн язгууртны булшны археологийн судалгааны төслийн явцтай танилцлаа8 сар 10. 11:36

Нийслэлийн Засаг даргын орлогч Ж.Сандагсүрэн, НЗДТГ-ын Нийгмийн бодлогын хэлтсийн дарга И.Баатархүү, Сүхбаатар дүүргийн Засаг даргын орлогч М.Алтангэрэл, Нийслэлийн Соёл, урлагийн газрын дарга Ж.Дамдинцэрэн нарын албаныхан “Улаанбаатар хотын Бэлхийн амны Хүннүгийн язгууртны булшны археологийн судалгаа” төслийн явцтай газар дээр нь очиж танилцлаа. Энэхүү төслийг НЗДТГ-ын дэмжлэгтэйгээр Нийслэлийн Соёл, урлагийн газар, ШУА-ийн Археологийн хүрээлэн хамтран хэрэгжүүлж буй юм

Байгальд нутагшуулсан минжийг хамгаалахад иргэдийг хамтран ажиллахыг хүсье8 сар 6. 12:21

Нийслэлчүүдийн ундны усны эх үүсвэр болсон Туул голын усны урсцыг байгалийн аргаар нэмэгдүүлэх замаар эко системийн доройтлыг бууруулж, голын сав газрын экологийн нөхцөлийг сайжруулахаар 2012 оноос эхлэн Евразийн минжийг өсгөж байгаа. Минж нутагшуулах ажил Туул голын эх, түүний цутгал болох Заан, Тэрэлж голуудад үргэлжилж байна. Байгальд нутагшуулсан минжийг агнахыг завдах тохиолдлууд гарч болзошгүй тул минж нутагшуулсан байршилтай ойр амьдардаг нутгийн малчид, аялал зугаалгаар явж буй иргэдийг холбогдох мэдээллийг Нийслэлийн Байгаль орчны газрын 11-323780 дугаарын утсаар өгч, хамтран ажиллахыг хүсье Минж нь Амьтны тухай хуулийн долдугаар зүйлийн 7.1 дэх заалт болох “Нэн ховор амьтны” жагсаалтад багтдаг

Өнөөдөр Хангай, Хөвсгөлийн уулархаг нутгаар дуу цахилгаантай аадар бороо орно7 сар 15. 10:28

2021 оны 07 дугаар сарын 15-ны 08 цагаас 20 цаг хүртэлх цаг агаарын урьдчилсан мэдээг хүргэж байна. Ихэнх нутгаар солигдмол үүлтэй. Баруун болон зүүн аймгуудын нутгийн зүүн хэсэг, төвийн аймгуудын нутгийн зарим газраар бороо, дуу цахилгаантай аадар бороо орно

Минжийг байгальд дасгах хиймэл цөөрөм байгууллаа7 сар 7. 12:29

Амьтан нутагшуулах ажлыг хийхэд хатуу, зөөлөн хоёр аргыг хэрэглэдэг. Хатуу арга гэдэг нь амьтнаа шинэ нутагт шууд тавихыг хэлнэ

Бамбаруушийг бие даан амьдрах чадвартай болгоод тайгад нь тавьлаа7 сар 3. 11:03

Хөвсгөл аймгийн Эрдэнэбулган сумын малчин айлд тавдугаар сарын 16-нд эхээсээ төөрсөн бамбарууш ирснийг нутгийн байгаль хамгаалагчид асран хамгаалж, бие даан амьдрах чадвартай болгоод өнөөдөр тайгад нь тавьж байна. Төөрсөн бамбарууш 2-3 сартай, 6 кг жинтэй байсан бол одоо 16-17 кг жинтэй болж өөрөө бие даан амьдарч, идэш тэжээлээ олох чадвартай болсон гэж үзжээ.Байгаль хамгаалагчдын асаргаанд сар гаруй болсон бамбаруушийг өнөөдөр ой, тайгад нь тавих ажлыг Хөвсгөл аймгийн Байгаль орчин, аялал жуулчлалын газар, Аймгийн ЗДТГ-ын Байгаль орчны асуудал хариуцсан мэргэжилтэн, тус сумын байгаль хамгаалагчид хамтран зохион байгуулсан байна. Ингэхдээ сумын төвөөс 60-70 км, хамгийн ойр айл 10 км байх ой, хөвчид тавина. Цаашид нутгийн байгаль хамгаалагчид хяналт тавин ажиглана гэж Экологийн цагдаагийн албанаас мэдээлэв.  <img src="https://mgl.gogo.mn/newsn/images/ck/2021/07/02/1-124935-1396799215.jpeg" alt=" ​Бамбарууш тавдугаар сард анх ирэхдээ ийм нялх байсан юм

Ойн сан, голын онцгой хамгаалалтын бүсэд газар олгохгүй байх санал гаргав7 сар 2. 13:53

Нийслэлийн Засаг даргын зөвлөлийн хуралд ойн сан бүхий газар болон голын онцгой хамгаалалтын бүсэд газар ашиглалтын одоогийн байдал, цаашид хэрэгжүүлэх арга хэмжээний талаар холбогдох албаныхан танилцууллаа.Манай улс 1956 оноос ойн сангийн тооллогыг хийж эхэлсэн бөгөөд 2005 оноос хиймэл дагуулын мэдээг ашиглаж эхэлсэн. Мөн голын онцгой хамгаалалтын бүсэд 6978 нэгж талбар байна

Ихэнх нутгаар дуу цахилгаантай аадар бороотой7 сар 2. 11:10

Малчид, иргэдийн анхааралд: Ойрын хоногуудад ихэнх нутгаар бороо, дуу цахилгаантай аадар бороо орох тул үер усны аюулаас сэрэмжтэй байхыг анхааруулж байна. 2021 оны 07 дугаар сарын 02-ны 08 цагаас 20 цаг хүртэлх цаг агаарын урьдчилсан мэдээ:                        Хур тунадас: Ихэнх нутгаар үүлэрхэг. Баруун болон зүүн аймгуудын ихэнх нутаг, төв болон говийн аймгуудын нутгийн зарим газраар бороо, дуу цахилгаантай аадар бороо орно. Салхи: Салхи ихэнх нутгаар баруун хойноос секундэд 6-11 метр, Алтайн салбар уулсаар секундэд 14-16 метр, зарим газраар борооны өмнө түр зуур ширүүснэ. Агаарын температур: Алтай, Хангай, Хөвсгөл, Хэнтэйн уулархаг нутаг, Их нуурууд болон Дархадын хотгор, Хүрэнбэлчир орчим, Байдраг, Идэр, Тэс, Тэрэлж голын хөндийгөөр 13-18 градус, говийн бүс нутгийн өмнөд хэсгээр 24-29 градус, бусад нутгаар 17-22 градус дулаан байна. УЛААНБААТАР ХОТ ОРЧМООР: Үүлэрхэг

Түймрийн халз зурвасыг сэргээх ажлыг эхлүүллээ7 сар 1. 11:27

1960-1999 оны хооронд нийслэлийн ногоон бүсэд ойн түймрээс хамгаалах ажлыг үе шаттай хэрэгжүүлж, 40 метрийн өргөнтэй, 2-6 км хүртэлх урттай, нийт 10 зурвасыг байгуулсан байдаг. Эдгээрээс 2020 онд Халзангийн давааны ард баруун тийш чиглэсэн 0.8 км орчим урттай зурвас, Шарга морьтын эхэнд зүүн хойш чиглэсэн 1.6 км урттай зурвасыг сэргээсэн. Энэ жилийн хувьд түймрийн халз зурвасыг шинэчлэн сэргээх ажлыг холбогдох хуулийн дагуу нээлттэй зарлаж, тус ажлын гүйцэтгэгчээр Батлан хамгаалах яамны харьяа ойн мэргэжлийн байгууллагын эрхтэй Зэвсэгт хүчний 310 дугаар анги шалгарч, гэрээ байгуулсан юм

Нийслэлийг ойн түймрээс хамгаалах зурвас газрыг сэргээж эхэлжээ6 сар 30. 13:41

1960-1999 оны хооронд нийслэлийн ногоон бүсэд ойн түймрээс хамгаалах ажлыг үе шаттай хэрэгжүүлж, 40 метрийн өргөн, 2-6 км хүртэлх урттай, нийт 10 зурвасыг байгуулсан байдаг. Эдгээрээс 2020 онд Халзангийн давааны ард баруун тийш чиглэсэн 0.8 км орчим урттай зурвас, Шарга морьтын эхэнд зүүн хойш чиглэсэн 1.6 км урттай зурвасыг сэргээсэн байна. Энэ жил түймрийн халз зурвасыг шинэчлэн сэргээх ажлыг холбогдох хуулийн дагуу нээлттэй зарлажээ

Амралтын өдрүүдэд ихэнх нутгаар 30 градус давж хална6 сар 26. 10:49

Амралтын өдрүүдэд ихэнх нутгаар, ялангуяа нутгийн төв хэсгээр 30 градусыг давж халах тул наршилтаас сэрэмжтэй байхыг ЦУОШГ-аас анхааруулж байна. Маргаашийн 20 цаг хүртэлх цаг агаарын урьдчилсан мэдээг хүргэе. Хур тунадас: Ихэнх нутгаар солигдмол үүлтэй. Шөнөдөө баруун аймгуудын нутгийн хойд, төвийн аймгуудын нутгийн зүүн хэсэг, зүүн аймгуудын нутгийн зарим газраар, өдөртөө төвийн аймгуудын нутгийн хойд хэсэг, зүүн аймгуудын ихэнх нутгаар бороо, дуу цахилгаантай аадар бороо орно. УЛААНБААТАР ХОТ ОРЧМООР: Шөнөдөө үүлшинэ

Тархац нутаггүй болсон 53 тарвагыг суурьшлын бүсээс шилжүүлэн нутагшууллаа6 сар 25. 11:20

Суурьшлын бүс тэлсэнтэй холбоотойгоор Монгол тарваганы (Marmota sibirica) тархац нутаг хумигдаж буй. Улмаар идэш тэжээл хайн хот руу орж ирэх, зэрлэгшсэн нохдод бариулах, айлын хашаанд идээшлэх зэрэг дуудлага мэдээлэл сүүлийн жилүүдэд нэмэгдэж байна



Шинэ мэдээ

Д.Тэрбишдагвын ном Франкфуртын олон улсын үзэсгэлэн яармагт танилцуулагдлаа10 сар 22. 13:20"Тавантолгой дулааны цахилгаан станц" төслийн гүйцэтгэгчийг сонгон шалгаруулна10 сар 21. 11:09"НҮБ-ын 7 хоног"-ийн хүрээнд Баянзүрх хайрханы ойг нөхөн сэргээж, мод тарив10 сар 21. 11:05Улаанбаатар хотын 2040 он хүртэлх хөгжлийн ерөнхий төлөвлөгөөнд саналаа хэрхэн өгөх вэ10 сар 21. 11:02Н.Долгормаа: Шинжилгээний цаг авах системийг хөгжүүлнэ10 сар 21. 10:59Баянзүрх дүүргийн 25, 26 дугаар хороонд цэцэрлэг, сургууль барина10 сар 21. 10:57Орон нутагт төрийн өмчит их, дээд сургуульд суралцах оюутнууд сургалтын төлбөрийн хөнгөлөлт эдэлнэ10 сар 21. 10:51Дархлаажуулалтын гуравдугаар тунгийн дараа "Эрдэнэт үйлдвэр"-т халдварын тохиолдол 10 дахин буурчээ10 сар 21. 10:50Нийслэлийн хэмжээнд 15 мянган тонн хүртэлх нөөцийн мах бэлтгэнэ10 сар 20. 8:25Эмч нар цар тахлын эмчилгээний арга зүй, туршлагаа хуваалцлаа10 сар 20. 8:23Жилийн хугацаанд 8.2 сая ам метр талбайд ариутгал хийлээ10 сар 20. 8:21Авто замын түгжрэлийг бууруулах Ажлын хэсэг хуралдлаа10 сар 20. 8:20
© 2021 он. Зохиогчийн эрх хуулиар хамгаалагдсан.