Монгол түмний уламжлалт ёс нь шороон үхрийн зурлагаар ирэх жилийнхээ өнгө төрхийг шинждэг заншил билээ. XVII-р жарны “Буян үйлдэгч” хэмээх “Усан бар” жил хэдхэн хоногийн дараа гарна. Энэхүү “Усан бар” жилийн ерөнхий төлөвийн хувьд сайхан жил гарч буйн зэрэгцээ амар амгалан, тогтуун тайван, хур тунадас элбэг байхаар дүрслэгдсэн талаар зурхайч нар онцолсон байна.
“Ялангуяа залууст буюу дунд суудалтанд сайн, нялхаст буюу ард иргэдэд дунд зэрэг, өвгөдөд буюу өндөр дээд суудалтан, настнуудад биеэ хичээхийг анхааруулсан байна. Нийтэд нь авч үзвэл улс оронд амар тайван, иргэдэд ажил үйлс бүтэмжтэй өрнүүн дэлгэр сайхан жил болох нь” хэмээжээ
“Гэхдээ хий өвчин дэлгэрэх нигууртай тул хүн бүр эрүүл мэнддээ ихээхэн анхаарах ёстой” зэргийг Монголын бурхан шашинтны төв Гандантэгчэнлин хийдийн лам нар болон зурхайч нар ард олонд анхааруулжээ.
Сэтгэгдэл бичих