Удахгүй болох сар шинийн баяраар үндэсний бөхийн барилдаан уламжлал ёсоор болно гэдгийг Монгол Улсын Шадар сайд С.Амарсайхан мэдээлэл хийх үеэрээ албан ёсоор хэллээ. Корона вирусын цар тахлын улмаас сүүлийн хоёр жил тасалдаад байсан сар шинийн барилдааныг энэ жил ийнхүү зохион байгуулах нь тодорхой болсон тул үзэгчид, бөх сонирхогчид уг мэдээллийг ихээхэн таатай хүлээн авч байна.
Цар тахлын онцгой нөхцөлд зохион байгуулагдах бөхийн барилдаанд барилдах бөхчүүд халдварын эсрэг вакцины бүрэн тунд хамрагдсан, PCR шинжилгээ өгсөн байх шаардлагатай юм байна. Мөн цаг үеийн нөхцөл байдлыг харгалзан халдвар хамгааллын дэглэмийг дээд түвшинд сахих ёстойг холбогдох хүмүүс анхаарууллаа. Манай улсад 1963 оноос хойш уламжлал болгон зохион байгуулагдаж буй уг барилдаанд энэ жил 256 бөх барилдана.
Сэтгэгдэл бичих