Х.Тэмүүжин: Ерөнхийлөгчийн институцыг “Тэхийн зогсоол” болгох хэрэгтэй


11-р сарын 19
14 цаг 57 минут

Ардчилсан намын бүлэг мэдээлэл хийлээ.

УИХ дахь Ардчилсан намын бүлгийн дарга Б.Түвшин "Орон нутагт иргэдийн амьжиргаа хүндрээд байна, ордны хэрүүл хэтэрлээ гэсэн шүүмжлэлийг иргэд ихээр хэлж байна. Засгийн газар Ерөнхийлөгчийн тавьсан шийдвэрийг хүлээн авч байгаа нь нэг талаасаа улс төрийн шинэ соёл гэж харж болно. Мөн авлига, гэмт хэрэгтэй тэмцэх асуудалд ёс зүйтэй хандаж байна гэж үзэж байна.

Гэхдээ нөгөө талаас энэ нь дүр эсгэсэн жүжиглэл байж болох эрсдэлтэй. Цаашид шударга ёсыг хараат бусаар тогтооход анхааралтай, хянуур ажиллах шаардлагатай гэж бид үзэж байна.

Өчигдөр Ардчилсан намын бүлэг хуралдаж, Ерөнхийлөгчийн үүрэгт ажлаасаа чөлөөлөгдөх хүсэлтийг 100 хувийн саналаар дэмжсэн гэдгийг албан ёсоор мэдэгдэж байна" гэлээ.

УИХ-ын гишүүн Х.Тэмүүжин "Монгол Улсад тогтолцооны авлига бий болсон. Тогтолцооны авлигатай ганц хүн эсвэл хэсэг бүлэг хүнийг албан тушаалаас нь холдуулснаар тэмцэж чадахгүй. Харин тогтолцоогоо засаж байж энэ гажуудлыг арилгадаг.

Өнгөрсөн оны есдүгээр сарын 17-нд УИХ-ын цахим хуудсанд Ерөнхийлөгчийн тухай хуулийн төслийг байршуулсан. Энэ төсөл нь 2019 оны Үндсэн хуулийн нэмэлт, өөрчлөлтөд нийцүүлэн, Үндсэн хуулиар олгогдоогүй боловч Ерөнхийлөгч хэрэгжүүлж ирсэн зарим бүрэн эрхийг хязгаарлах үзэл баримтлалтай. Үүнд гурван чухал зохицуулалт багтсан.

Тухайлбал, Ерөнхийлөгчөөр ажилласан хүн зургаан жилийн хугацаанд улс төрийн намын гишүүнчлэлээ сэргээхгүй байх зохицуулалт тусгасан. Ерөнхийлөгчийн суудлаас буусан хүн эргээд намдаа нөлөөлөх, намын дарга болох, намынхаа үйл ажиллагааг өөрийн хяналтад авахыг эрмэлздэг үзэгдэл бий. “Би энэ суудлаас буугаад хаана улс төр хийх вэ?” гэдгээ хардаг. Энэ нь Ардчилсан нам, Монгол Ардын намын аль алинд нь тохиолдож байсан.

Ерөнхийлөгч байсан хүн намдаа нөлөөлөх зорилгоор хонгил үүсгэх, өрсөлдөгчдөө зайлуулах оролдлого хийдэг тогтолцоог зогсоох шаардлагатай. Үүний тулд Ерөнхийлөгчийн институцыг “тэхийн зогсоол” болгох хэрэгтэй. Иймээс Ерөнхийлөгчөөр ажилласан хүн зургаан жилийн хугацаанд улс төрийн намын гишүүн болох эрхээ сэргээхгүй байх хязгаарлалт оруулж байна.

Мөн Ерөнхийлөгчөөр ажилласан хүмүүс дотоодын сонгуульд нэр дэвшин Ерөнхийлөгчийн нэр төрд халддаг байдлыг хязгаарлах шаардлагатай. Түүнчлэн төрийн албанд дахин очих, албан тушаал горилох улс төрийн амбицыг нь хязгаарлах ёстой.

Энэ хуулийн төслийг УИХ-ын цахим хуудсанд байршуулснаас хойш нэг жил болж байна. Өргөн барих товыг УИХ-ын даргад өгсөн бөгөөд одоо хүлээгдэж байна. УИХ энэ хуулийн төслийг хэлэлцэж, батлах ёстой.

Ерөнхийлөгч гэдэг “мангас” биш. ард түмний эв нэгдлийг хангах, төрийн тэргүүний чиг үүргээ хэрэгжүүлэхэд чиглэсэн байх ёстой.

Цаашид Ерөнхийлөгчөөр ажилласан хүмүүс насан туршдаа энэ албан тушаалын нэр төрийг хамгаалж, төрөөс олгосон хүндэт статустайгаар амьдрах ёстой. Ерөнхийлөгч байсан хүмүүс намын дарга болох, төрийн албан тушаал хаших ёсгүй" гэв.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Шөнийн автобус 22:00-02:00 цагийн хооронд дараах чиглэлүүдэд үйлчилж байна17 минут 18 секундын өмнөДоройтсон газрыг нөхөн сэргээхэд Япон улстай хамтарна17 минут 50 секундын өмнө"Улс төрчдийн захиалгаар хэрэгжүүлсэн 15.8 их наядын хөтөлбөрийн гор өнөөдөр гарч байна"18 минут 15 секундын өмнөХ.Тэмүүжин: Ерөнхийлөгчийн институцыг “Тэхийн зогсоол” болгох хэрэгтэй18 минут 36 секундын өмнөЦагдаагийн ерөнхий газар/ЦЕГ/-ын дарга Ж.Болдыг анх Ерөнхийлөгч У.Хүрэлсүх Ерөнхий сайдаар ажиллаж байхдаа Засгийн газрын 2020 оны долдугаар сарын 22-нд ЦЕГ-ын даргаар томилж байв. Сүүлд 2025 оны аравдугаар сарын 28-нд Г.Занданшатарын Засгийн газар ээлжит бусаар хуралдаж, Ж.Болдыг дахин ЦЕГ-ын даргаар томилсон юм. Ж.Болд өмнө нь 2020-2023 онд ЦЕГ-ын даргаар томилогдон ажиллаж байгаад өөрийн хүсэлтээр чөлөөлөгдсөн байдаг. Тэрбээр 2025 оны зургадугаар сараас Ерөнхий сайд Г.Занданшатарын зөвлөхөөр ажиллаж байсан. Ж.Болд нь эрх зүйч мэргэжилтэй бөгөөд 1996-2001 он хүртэл Хэнтий аймгийн Цагдаагийн газарт мөрдөн байцаагчаар ажиллаж байсан. Мөн 2002-2014 онд Мөрдөн байцаах газарт ахлах мөрдөн байцаагч, Чиглэлийн ахлах мөрдөн байцаагч, Зохион байгуулалттай гэмт хэрэг мөрдөх хэлтэст мөрдөн байцаах тасгийн дарга, 2014 оноос 2015 оны арваннэгдүгээр сар хүртэл Зохион байгуулалттай гэмт хэрэгтэй тэмцэх газарт тасгийн дарга, Хар тамхи, мансууруулах бодистой холбоотой хэрэгтэй тэмцэх хэлтэст Мөрдөн байцаах тасгийн даргаар ажиллаж байжээ. Мөн 2015-2017 онд Эрүүгийн цагдаагийн газрын Хар тамхитай тэмцэх хэлтсийн хоёрдугаар тасагт Мөрдөн байцаах тасгийн дарга, 2017 оны гуравдугаар сараас Эрүүгийн Цагдаагийн албаны Зохион байгуулалттай гэмт хэрэгтэй тэмцэх хэлтсийн хоёрдугаар тасагт мөрдөх тасгийн дарга, 2017-2020 онд Хэнтий аймаг дахь Цагдаагийн газрын дарга, 2020-2023 онд ЦЕГ-ын даргаар томилогдон ажиллаж байжээ.19 минут 8 секундын өмнөХуулийн байгууллагын удирдлагыг хэн томилсон бэ?20 минут 30 секундын өмнөМонголын алхагчид 8 улсын олон улсын фестивальд амжилттай оролцлоо22 минут 21 секундын өмнө"Цагдаагийн байгууллага хүний нэр хүндэд халдаж байна"23 минут 41 секундын өмнөСүүлийн 5 жилд хурдан морины уралдаанаар 22 хүүхэд амь насаа алдсан27 минут 9 секундын өмнөОюутолгойгоос иргэн бүрд 857 мянган төгрөг олгох асуудлаар ажлын хэсэг байгуулав11 сар 18. 14:28МАН-ын ЕНБ-ийн дарга Я.Содбаатар АТГ-т шалгуулна11 сар 18. 14:26Хууль бус мөрийтэй тоглоом зохион байгуулсан 10 этгээдийг баривчилжээ11 сар 18. 14:26
© 2026 он. Зохиогчийн эрх хуулиар хамгаалагдсан.