Трампын засаг захиргаа Украины дайн эхэлсний дараахан олон тэрбум ам.долларын хөрөнгөтэй Оросын Шууд хөрөнгө оруулалтын санд хориг тавьсан. Тэгвэл АНУ, ОХУ хоёр энэ хоригийг цуцлах боломжийн талаар хэлэлцэж байгааг Кремлийн эх сурвалж мэдээлжээ. Хэрвээ ийм шийдвэр үнэхээр гарвал энэ нь Украины дайныг зогсоох хэлэлцээний хүрээнд Москвад хийж буй АНУ-ын бас нэгэн буулт болох юм.
Путины гадаад бодлогын зөвлөх Юрий Ушаков мөн энэ мэдээллийг баталсан бөгөөд Оросын Шууд хөрөнгө оруулалтын сангийн гүйцэтгэх захирал Кирилл Дмитриев АНУ-ын албаныхантай хоригийг цуцлах асуудлаар идэвхтэй ажиллаж байгааг мэдэгджээ.
Байдены засаг захиргаа 2022 оны хоёрдугаар сард тус санг Путин болон түүний ойрын хүрээнийхний ашигладаг нууц сан гэж тодорхойлон, хориг тавьж байв.
Ерөнхийлөгч Дональд Трамп сүүлийн үед Оросын эсрэг тавьсан зарим хоригоо сулруулсан. Энэ нь Ардчилсан болон Бүгд найрамдах намынхны аль алиных нь шүүмжлэлийг дагуулж, АНУ болон барууны холбоотнуудын хооронд зөрчил үүсгэжээ. Оросын эсрэг зарим хоригийг цуцалсан нь тэднийг хэлэлцээний ширээнээс холдуулахгүй байх арга гэж ерөнхийлөгч Трамп өөрөө мэдэгдсэн байдаг.
Харин Украины ерөнхийлөгч Зеленский "Оросын эсрэг хоригуудыг хөнгөлсөн нь Украины эсрэг дайныг улам дэмжиж байна. ОХУ байлдааны талбарт тэгтлээ амжилт гаргахгүй байгаа ч ийм шийдвэрүүд тэдэнд ашигтай байгаа" гэжээ.
ЭХ СУРВАЛЖ: CNN
Сэтгэгдэл бичих