олгохоор заасан юм. Нөгөө талдаа улс орны эдийн засгийн тэргүүлэх чиглэлийн томоохон дэд бүтэц, хөгжлийн төслүүдийг Хөгжлийн сангаас санхүүжүүлэхээр зааснаас биш авлигач түшмэлийн асуудалд оруулсан 10 аймгийн Дулааны цахилгаан станцыг ногдол ашгаар үргэлжлүүлэх зохицуулалт аль ч хуульд байхгүй. Иймдээ тулсан бол УИХ Засгийн газраас хариуцлага нэхэх ёстой.
Ирэх оны төсвийг энэ оныхоос даруй 10 их наядаар тэлж, 43.6 их наядаар төлөвлөн оруулж ирсэн атлаа түүн дотроо зохицуулалт хийгээд шийдэж яагаад болдоггүй юм.
Монгол Улсын иргэн бүрийн Хуримтлалын нэрийн дансанд өнөөдрийн байдлаар 306, 100 төгрөг байна. Үүнийг өсгөх ёстой.
Өсгөж, үржүүлж байж гэмээнэ боловсрол, эрүүл мэнд, орон сууцандаа зарцуулах боломжтой болно. Хэрвээ Засгийн газар нь хууль зөрчөөд замын дундаас нь цавчаад өөр зүйлд ийн зарцуулаад байх юм бол нэрийн дансан дахь 306 мянган төгрөг өсөхгүй. Төрийн түшээдийн нэг өдрийн зоогондоо зарцуулдаг мөнгөнөөс ч хямд хуримтлалыг ард иргэд боловсрол, эрүүл мэнд, орон сууцны асуудлаа шийдвэрлэхэд зарцуулна гэж байхгүй шүү дээ.
Мөн Засгийн газар энэ хоёр их наяд төгрөгөөр боловсрол, эрчим хүчний төслүүдийг санхүүжүүлнэ гэж байгаа боловч төсвийн алдагдлаа нөхөхийг ч үгүйсгэхгүй.
Дэлхийн зах зээл дээр уул уурхайн үнэ өнөөдрийнх шиг дандаа цойлж байдаггүй, буурах үе ч бий. Тиймээс улс орнууд уул уурхайн бүтээгдэхүүний үнэ өссөн цонх үеийг ашиглаад аль болох хуримтлал үүсгэхийг зорьж байна. Харин манайд Засгийн газар нь манлайлаад Оюутолгойгоос орж ирэх ногдол ашгийг авлигач, хулгайч нарынхаа сүйрүүлсэн төслийг санхүүжүүлэхээр иргэдээсээ санал авч увайгүйтэх. Авлигачдын төслийг санхүүжүүлж байснаас ногдол ашгаа дансандаа авъя, Ерөнхий сайд аа. Хуримтлал үүсгэж, боловсрол, эрүүл мэнд, байрны асуудлаа шийдвэрлэхэд зарцуулдаг болмоор байна.
Төсвөөсөө дээр дурдсан ажлуудаа санхүүжүүлж чаддаггүй юм бол авлигач, хулгайч нарынхаа хөрөнгийг хураагаад санхүүжүүлнэ үү.
Ард иргэд чадуу, авлигач хулгайч нар баян байна.
Г.ХОРОЛ
Сэтгэгдэл бичих