Cүүлийн үед Бүгд Найрамдах Солонгос Улсын хилээр нэвтэрсний дараа иргэд өөрийн зөвшөөрөгдсөн оршин суух хугацаагаа шалгалгүй, хугацааг хэтрүүлсний улмаас хууль бус оршин суугч болох тохиолдол цөөнгүй гарч байна. БНСУ-ын визийн хугацаа нь хилээр нэвтэрсний дараах оршин суух хугацаа биш болохыг анхаарна уу.
БНСУ-ын хилээр нэвтрэх үед хилийн шалган нэвтрүүлэх байцаагч паспорт дээр оршин суух буюу хилээр гарах хугацааны талаарх мэдээллийг тэмдэглэдэг. Оршин суух хугацааг хэтрүүлсэн тохиолдолд тухайн иргэн БНСУ-ын гадаадын иргэн, харьяатын тухай холбогдох хуулийг зөрчсөнд тооцогдож, хуульд заасан хариуцлага хүлээлгэн торгуулах, мөн цаашид тус улсад нэвтрэхэд хүндрэл учрах зэрэг сөрөг үр дагавар гарах эрсдэлтэй.
Иймд иргэн Та бүхэн хилээр нэвтэрсний дараа өөрийн оршин суух зөвшөөрөгдсөн хугацааг шалгаж, тэмдэглэн авч, хуулийн хугацаандаа нутаг буцан хууль бусаар оршин суух нөхцөл байдалд орохоос урьдчилан сэргийлнэ үү.
Оршин суух хугацаагаа дараах байдлаар шалгаж болно.
БНСУ-ын Цагаачлалын албаны цахим систем www.hikorea.go.kr цахим хуудсаны “체류기간, Expiry Date check” хэсгээс өөрийн оршин суух хугацааг шалгах боломжтой.
Иргэн танд БНСУ-ын хилээр нэвтрэх үед болон хилээр нэвтэрсний дараа эрүүл мэндтэй холбоотой болон бусад асуудлаар яаралтай туслалцаа хэрэгтэй бол Монгол Улсаас БНСУ-д суугаа Дипломат төлөөлөгчийн газруудтай дараах шуурхай утас болон цахим шуудангаар холбогдоно уу.
Монгол Улсаас Бүгд Найрамдах Солонгос Улсад суугаа ЭСЯ:
Цахим шуудан: seoul@mfa.gov.mn
Утас: 82 (2) 798 3464, 82 (2) 798 1950
Шуурхай утас: +82 01082053464
Пусан хот дахь Консулын газар:
Цахим шуудан: busan@mfa.gov.mn
Утас: 051 (465) 9996, Факс: 051 (465) 9997
Шуурхай утас: +82 010 7728 7447
Сэтгэгдэл бичих