Саудын Арабын эзэмшлийн хөлөг онгоц наймдугаар сарын 31-ний өдөр Ираны халдлагад өртөж, хоёр филиппин далайчин амиа алджээ. Тодруулбал, "Sidr" нэртэй хөлөг Ормузын хоолойгоор өнгөрч яваад халдлагад өртсөнийг Саудын Арабын үндэсний ачаа тээврийн компани "Bahri" есдүгээр сарын 2-ний өдөр мэдэгдсэн байна. "Sidr" хөлөг Оманы Мусандамын хойг орчимд цохилтод өртсөн тухайн цаг үед Өмнөд Солонгосын эзэмшлийн өөр нэг хөлөг мөн цохилтод өртсөнийг далайн аюулгүй байдлын фирмүүд мэдээлжээ.
Иран улс Саудын Арабын мэдэгдэлд тухайлан хариу өгөөгүй байна. Гэхдээ зөвшөөрөлгүй замаар дамжин өнгөрч явсан хоёр хөлөн онгоц мина мөргөсний улмаас галд өртсөн гэж өмнө нь мэдэгдээд байсан юм.
Саудын Арабын Гадаад хэргийн яам албан мэдэгдэлдээ Ираны Йордан, Бахрейн, Кувейтэд хийсэн халдлагыг буруушаахын зэрэгцээ хүчирхийллийг зогсоож, олон улсын далайн тээврийн аюулгүй байдлыг хүндэтгэх шаардлагатайг онцолжээ.
Сүүлийн өдрүүдэд АНУ-ын цэргийнхэн Иранд агаарын цохилт өгч, Ираны хүчин хариуд нь хөрш зэргэлдээ Арабын орнууд дахь АНУ-ын баазуудыг пуужин, нисгэгчгүй онгоцоор онилоод буй. Ираны есдүгээр сарын 2-нд мэдээлснээр, АНУ-ын цохилтоос болж 18 хүн нас барж, 108 хүн гэмтэж бэртсэн байна.
ЭХ СУРВАЛЖ: BBC
Сэтгэгдэл бичих