Монгол орны нийт бэлчээрийн 32.3 хувь нь нөөцтэй, 20.5 хувь нь хүрэлцээтэй, 29.8 хувь нь даац 1-3 дахин, 8.3 хувь нь 3-5 дахин, 9.1 хувь нь маш их хэтэрчээ.
Ус цаг уур, орчны судалгаа, мэдээллийн хүрээлэнгээс 2026-2027 оны өвөл, хаврын бэлчээрийн даацыг бэлчээрийн ургац, малын тоо, талбайн хэмжээ, бэлчээр ашиглах хугацаа зэрэгт үндэслэн багийн нутгаар тооцон гаргасан байна. Зуншлага наймдугаар сарын 20-ны байдлаар нутгийн 60 орчим хувьд хэвийн, 40 гаруй хувьд гантай болон гандуу байв. Тодруулбал, Баян-Өлгий, Ховд, Баянхонгор, Дундговь, Өмнөговь, Сүхбаатар аймгийн зарим, Увс, Говь-Алтай, Хөвсгөл, Архангай, Булган, Өвөрхангай, Төв, Дорноговь, Хэнтий аймгийн цөөн сумын нутгаар зуншлага оройтож, гандуу болон гантай байлаа.
Сэтгэгдэл бичих