өвсгөл аймгийн Түнэл сумын Баян-Эрхэт багийн нутаг дахь ойн сангийн 179-191 дүгээр хэсэглэл болон Байшинт, Тээрэмт, Арбулаг, Өл, Хавчуу зэрэг газарт тархсан ойн хөнөөлт шавжтай тэмцэх ажлыг 3600 га талбайд хийж дуусгажээ.
Тус ажлыг Засгийн газрын хэрэгжүүлэгч агентлаг Ойн газрын захиалгаар зохион байгуулж, гүйцэтгэгчээр "Хоймор ой” ХХК, агаарын хөлгөөр хамтран ажиллагч байгууллагаар "Thomas Air” ХХК, хөндлөнгийн хяналтыг "Ашид Ананда” ХХК тус тус хэрэгжүүлсэн байна.
Мөн ажлын явцад Хөвсгөл аймгийн Байгаль орчны газар, Дэлгэрмөрөн сум дундын ойн анги, Түнэл-Эг сумын ойн анги болон байгаль хамгаалагчид орон нутгийн хяналт тавин ажиллажээ.
Хөвсгөл аймагт ойн хөнөөлт шавж 5-8 жилийн давтамжтайгаар хэт олшрох үзэгдэл ажиглагддаг байна. Тухайлбал, шинэсний шилмүүс хуйлагч эрвээхэй, якобсоны төөлүүрч зэрэг шавжийн тоо толгой олширч байгаа юм. Иймд ойн хөнөөлт шавжийн тархалт, олшролыг бууруулах, ойн экосистемийн эрүүл байдлыг хамгаалах зорилгоор тэмцлийн ажлыг жил бүр үе шаттайгаар зохион байгуулж байна.
Сэтгэгдэл бичих