Япон улс хэт халуунтай тэмцэж буй энэ үед Токио хотын амьтны хүрээлэнгийн гурван эрслэн /эм арслан/ халууны улмаас үхсэн байж болзошгүй байна.
Токио хотын баруун хэсэгт орших тус амьтны хүрээлэнд нэг долоо хоногийн дотор гурван арслан үхжээ. Нас нь 3-15 байсан эдгээр арслангийн задлан шинжилгээгээр шингэний дутагдалд орсон нь тогтоогдсон бөгөөд энэ нь хэт халалтын нөлөө байх магадлалтай гэж амьтны хүрээлэнгийн зүгээс мэдээлжээ.
Гурван настай эм арслан Муги долоодугаар сарын 19-нд хоолны дуршлаа алдаж, маргааш нь босож чадахгүй болсон байна.
"Ийм зүйлтэй анх удаа тулгарч байна. Өнгөрсөн жил мөн халуун байсан ч манай арслангуудын хэн нь ч ингэж өвдөөгүй" хэмээн амьтны хүрээлэнгийн төлөөлөгч Миуа Косака BBC-д ярьжээ. Японд сүүлийн жилүүдэд зуны улирал улам халуун, аюултай болж байгаа бөгөөд зарим хотод агаарын температур 40 хэмээс давсан өдрүүдийг "аймшгийн халуун өдөр" (cruelly hot days) гэж нэрлэх болжээ.
Амьтны хүрээлэнгийн мэдээлснээр, гурван настай эм арслан Муги долоодугаар сарын 19-нд хоолны дуршлаа алдаж, маргааш нь босож чадахгүй болсон байна.
Амьтны хүрээлэнгийн ажилтнууд түүнийг сэрүүцүүлэхийн тулд агааржуулалт хийж, ус хэрэглэн хөргөхөөс гадна арьсан доорх шингэн, элэг дэмжих бэлдмэл болон амин дэм тарьсан ч долоодугаар сарын 28-нд үхжээ.
11 настай эрслэн Ичиго долоодугаар сарын 31-нд, харин 15 настай Луэна өнгөрсөн ням гарагт мөн үхсэн байна.
Задлан шинжилгээгээр гурван арслан бүгд биеийн нийт шингэний дутагдалд орсон нь тогтоогдсон бөгөөд энэ нь хэт халалтын стресс нөлөөлсөн байх магадлалтайг харуулж байна гэж амьтны хүрээлэн мэдэгдэв. Гэхдээ үхлийн эцсийн шалтгааныг лабораторийн шинжилгээний хариу гарсны дараа албан ёсоор тогтоох аж.
Эх сурвалж: BBC
Сэтгэгдэл бичих