Никарагуагийн Ерөнхийлөгч Даниэль Ортега Ерөнхийлөгчийн бүрэн эрхийн хугацааг дахин нэг жилээр сунгаж, долоон жил болгох санал дэвшүүлсэн нь гэргий Росарио Мурильогийн хамт эрх мэдлээ улам бэхжүүлэх гэсэн ээлжит алхам боллоо.
Мягмар гаргийн орой парламентын хэлэлцүүлэгт өргөн барьсан Үндсэн хуульд өөрчлөлт оруулах тухай хуулийн төсөлд Ерөнхийлөгчийг зургаан жилийн хугацаагаар сонгодог тогтолцоог дахин нэр дэвших эрхтэйгээр долоон жил болгох саналыг тусгажээ. Өнгөрсөн онд баталсан өөрчлөлтөөр Ерөнхийлөгчийн бүрэн эрхийн хугацааг таван жилээс зургаан жил болгон сунгаж, дараагийн сонгуулийг 2027 онд явуулахаар болсон юм.
Уг саналыг есдүгээр сард батлах төлөвтэй байна. Д.Ортега Төв Америкийн тус улсын сөрөг хүчнийг засгийн эрхэнд гаргахгүй байх үүднээс цаашид сонгууль явуулахгүй гэж мэдэгдсэний дараа эл алхамыг хийсэн нь АНУ болон олон улсын хүний эрхийн байгууллагуудыг ихээхэн түгшээлээ.
Сэтгэгдэл бичих