Шатахууны хангамж, нийлүүлэлт болон нөөцийн цаг үеийн нөхцөл байдлын талаар Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв, Ашигт малтмал, газрын тосны газрын дарга П.Баянбаатар нар мэдээлэл өглөө.
Албаны хүмүүсийн мэдээллээр, Баяр наадмын өдрүүдэд буюу 7 дугаар сарын 10-наас 19-ний хооронд иргэдийн орон нутгийг чиглэсэн хөдөлгөөн эрс нэмэгдэж, шатахууны хэрэглээ ердийн үеийнхээс 4 дахин өссөнтэй холбоотойгоор зарим байршилд нийлүүлэлтийн тасалдал, ШТС-уудад ачаалал үүсжээ. Өнөөдрийн байдлаар улсын хэмжээнд АИ-92 бензиний 15-17 хоногийн, дизель түлшний 20-23 хоногийн нөөцтэй байгаа бөгөөд шатахууны нөөцийг ойрын 10 хоногийн дотор бүрэн нөхөж бүрдүүлэхээр ажиллаж байгаа юм байна.
Сэтгэгдэл бичих