Хятадын "UBTech" компани шинээр танилцуулсан роботоо харилцан ярианаас цаашгүй байлгахыг хүсээгүй бололтой. Учир нь тэд хүнд бодитоор найз нөхөр болох чадвартай дэвшилтэд роботыг бүтээсэн байна.
Шэньжэньд төвтэй тус компани зургадугаар сарын 30-нд "UWORLD U1" цувралын хүн дүрст роботоо танилцуулсан. Уг роботыг их хэмжээгээр үйлдвэрлэж, нийлүүлэх бөгөөд худалдан авагч эзэндээ сэтгэлийн дэм үзүүлж, хамтрагч, найз нөхөр нь байх үүрэгтэй. Түүнчлэн гэр ахуй, нийтийн ажилд туслалцаа үзүүлэх чадвартай байгаа нь Хятадын технологийн чадвар хэр ахицтай болсныг харуулж байна.
"UBTech" компанийн зүгээр "UWORLD U1" цувралын роботууд ахмад настан, ганцаараа амьдардаг болон ганц биечүүд зэрэг хань хэрэгтэй байгаа хэн бүхэнд тусалж, дэмжлэг үзүүлэх болно гэдгийг онцолжээ.
Хүн шиг ярьж, харагдаж чаддаг роботыг бүтээнэ гэдэг нэг зүйл. Харин яг л бодит хүн мэт ярилцаж, сэтгэлийн дэмжлэг үзүүлж, анхаарал халамж тавьж чаддаг робот бүтээнэ гэдэг хэцүү. Гэсэн хэдий ч "UBTech" яг энэ асуудалд зориулан удаан хугацаанд ажилласны эцэст амжилттайгаар бүтээсэн байна. Компанийн үүсгэн байгуулагч, ТУЗ-ийн дарга, гүйцэтгэх захирал Жеймс Жоу хэлэхдээ, хүн дүрст робот жилээс жилд хувьсан өөрчлөгдөж байгаа ч "UWORLD U1" нь гурван үе шаттай ахиц дэвшлийг тодорхойлж чадсан гэжээ. Түүний хэлснээр энэхүү цувралд гурван төрлийн робот багтсан бөгөөд хүний хөдөлгөөнийг 90 хувь хүртэл дуурайлган гүйцэтгэх чадвараа.
Мөн 20 гаруй төрлийн сэтгэл хөдлөлийг 90 хувиас дээш нарийвчлан таньж чаддаг хиймэл оюун ухааныг ашигладаг. Ингэснээр харилцан яриаг илүү бодит болгодог бөгөөд 0.5 секундийн дотор хариулт өгч, ярилцаж чаддаг аж.
"UWORLD U1"-ийн "U1 Lite semi-torso" загвар, өндөр хүчин чадалтай бүтэн биетэй "U1 Pro" загвар болон дэвшилтэд технологийн бүтэн биетэй "U1 Ultra"-г худалдаалах үнэ нь 119,800 юаниас эхэлнэ. Уг цувралын нээлтийн арга хэмжээний үеэр хэдийн 13,361 захиалга баталгаажсан байна. Үүнээс гадна эл үеэр "UWORLD" компани "Хүн-Роботын нөхөрлөлийн санаачилга"-ийг зарлажээ. Энэ хүрээнд тус компани жил бүр урт хугацааны нөхөрлөл, сэтгэл санааны дэмжлэг үзүүлэх замаар тусламж, дэмжлэг хэрэгтэй хүмүүст туслах зорилгоор хүн дүрст роботоо хандивлах болсон байна. Жеймс Жоугийн хэлснээр, эхний ээлжид энэ ондоо багтаан 100 робот хандивлах аж.
Сэтгэгдэл бичих