УИХ-ын чуулганы хуралдаанаар “Монгол Улсын хөгжлийн 2027 оны төлөвлөгөө батлах тухай” Улсын Их Хурлын тогтоолын төслийг хэлэлцэж байна.
Хэлэлцэж буй асуудалтай холбоотойгоор УИХ-ын гишүүн А.Ариунзаяа "Жилийн төлөвлөгөө гэж зүйл төсвөөс юугаараа ялгаатай юм бэ? Засгийн газрын гишүүд өөрсдийн тойргийн асуудлыг оруулж ирээд байна. Тэгвэл би ч гэсэн өөрийн тойрог ажил тавимаар байна.
Жилийн төлөвлөгөө гэдэг зүйлээ больё. Бидэнд "Алсын хараа-2050" байна, таван жилийн төлөвлөгөө байна. Жил бүр ингэж төлөвлөгөө батлах хэрэгтэй юу?" гэсэн асуултыг тавьсан.
Түүний асуултад Эдийн засаг, хөгжлийн сайд Ж.Энхбаяр "УИХ улсын хөгжлийн жилийн төлөвлөгөө, жил бүрийн төсвийг Монгол Улсыг хөгжүүлэх таван жилийн үндсэн бодлогод нийцүүлэн батлах үүрэгтэй.
Хуулиа биелүүлж, төсөв санхүүгийн сахилга баттай болцгооё. Үнэхээр бүдүүлэг байж боломжгүй зүйл болж байна. 2027 онд нэг ч шинэ хөрөнгө оруулалт хийх боломж байхгүй.
Цалин, тэтгэвэр хэт нэмсэн учраас төсвийн хөрөнгө оруулалтын боломжийг хязгаарлаж байна.
Үндсэн хуульдаа хөгжлийн бодлого, төлөвлөлтийг тогтвортой байлгая гээд заачихсан байгаа. Мэргэжлийн байгууллага, судалгааны байгууллагууд бүтэн жилийн турш боловсруулалт хийсэн зүйлийг нэг гишүүн орж ирээд л өөрчилж болохгүй" гэсэн юм.
Сэтгэгдэл бичих