"Улаанбаатар марафон"-ы бүртгэлийн хураамж 5000-90,000 төгрөг байна

"Улаанбаатар марафон" олон улсын гүйлт ирэх тавдугаар сарын 23-нд Д.Сүхбаатарын талбайд болно. Марафонд гүйх иргэдийг www.ulaanbaatar.marathon.mn цахим хуудсаар бүртгэж байна. Бүртгэл тавдугаар сарын 1-н хүртэл үргэлжилнэ. 

Гүйлтийг үндсэн таван төрлөөр зохион байгуулна. Хамгийн богино зайд буюу 1.5 км-т гэр бүл, хөгжлийн бэрхшээлтэй иргэд оролцох боломжтой бөгөөд бүртгэлийн хураамж 5000 төгрөг байна. Мөн эрүүл мэндийн гүйлт болох 5 км-ын зайд 12-17 нас, 18 болон түүнээс дээш насны иргэд оролцох боломжтой, гүйлтийн бүртгэлийн хураамж 10 мянган төгрөг. Гүйлтийн 10 км-ийн зайд 18-аас дээш насныхан оролцох бөгөөд бүртгэлийн хураамж 50 мянган төгрөг байна.

Хагас марафон буюу 21 км-ийн зайд 18-34 нас, 35-54 нас, 55-аас дээш насныхан, мөн хөгжлийн бэрхшээлтэй иргэд оролцох боломжтой. Бүртгэлийн хураамж нь 70 мянган төгрөг байна. Бүтэн марафон буюу 42 км-ийн зайд 18-аас дээш насныхан болон тусгай хэрэгцээт иргэд гүйх бөгөөд 90 мянган төгрөгийн хураамж төлж бүртгүүлэх боломжтой. Мөн тусгай олимпын төрөл болох 500 метр, 800 метрийн гүйлтэд оролцогчид төлбөрийн хураамж төлөхгүй бүргүүлж оролцоно.

Энэ жилийн хувьд бүртгэлийн хураамжаа төлсний дараа НӨАТ-ын баримт автоматаар үүсэх тул зай, төрлөө солиулах, засуулах боломжгүй гэдгийг зохион байгуулагчдын зүгээс сануулав.

Түүнчлэн 1.5 км болон 5 км-ийн зайд оролцогчдын энгэрийн дугаарыг дараах байршлуудад тавдугаар сарын 1-15-ны 09:00-17:00 цагийн хооронд олгоно.

•     Нийслэлийн Биеийн тамир, спортын газар – Утас: 70002785
•     Баянгол дүүргийн Биеийн тамир, спортын хороо – Утас: 70141983
•     Баянзүрх дүүргийн Биеийн тамир, спортын хороо – Утас: 11450511
•     Багануур дүүргийн Биеийн тамир, спортын хороо – Утас: 70213435
•     Багахангай дүүргийн Биеийн тамир, спортын хороо – Утас: 70491280
•     Налайх дүүргийн Биеийн тамир, спортын хороо – Утас: 70233601
•     Хан-Уул дүүргийн Биеийн тамир, спортын хороо – Утас: 11344783
•     Сүхбаатар дүүргийн Биеийн тамир, спортын хороо – Утас: 11315651
•     Сонгинохайрхан дүүргийн Биеийн тамир, спортын хороо – Утас: 70176348
•     Чингэлтэй дүүргийн Биеийн тамир, спортын хороо – Утас: 77773113