Иргэнээс ирүүлсэн гомдлын дагуу Нийслэлийн Байгаль Орчны Газрын байгаль орчны хяналтын улсын байцаагч, Туул голын сав газрын захиргааны улсын байцаагч нар Баянгол дүүргийн 26 дугаар хороо, Дунд гол орчимд хяналт шалгалт хийлээ.
Шалгалтаар Нарны хороолол орчимд төсөл хэрэгжүүлж буй “Лонсин Монголиа” ХХК нь барилгын талбайн техникийн бохирдолтой буюу тос, маслотай хөрсний усаа Дунд гол руу шавхаж байсныг илрүүлж, таслан зогсоолоо.
Тус компани нь ус ашиглуулах дүгнэлт, ус шавхан зайлуулах зөвшөөрөл, холбогдох гэрээг байгуулаагүй зөрчил илэрч, хуулийн холбогдох заалтын дагуу зөрчил шалган шийдвэрлэх ажиллагааг явуулж байна.
Хяналт шалгалт үргэлжилж байна гэж НЗДТГ-ын хэвлэлийн хэлтсээс мэдээлэв.
Сэтгэгдэл бичих