Ерөнхий сайд Н.Учрал ХҮН намыг Засгийн газарт хамтарч ажиллах урилгыг өнөөдөр /2026.03.31/ хүргүүлжээ. Энэ талаар ХҮН намын дарга, УИХ-ын гишүүн Т.Доржханд “Геополитикийн хурцадмал байдал үргэлжилж, Ойрх Дорнодод дэгдсэн дайны улмаас олон улсад онц байдал зарлаад байгаа сорилттой үед Засгийн газарт хамтарч ажиллах саналыг МАН-ын дарга Н.Учралаас ирүүллээ. ХҮН нам төлөөллийн төв байгууллагаараа хэлэлцэж хариуг албан ёсоор өгөх болно” гэж мэдэгдэв.
Албан бус мэдээллээр ХҮН намд Шадар сайд болон Эрчим хүчний сайдын суудал өгөхөөр тохиролцсон тухай сонсогдож буй.
УИХ таван нам, эвслээс бүрдэж байгаа бөгөөд Засгийн газрыг хамтран байгуулахгүйгээр урт наслах боломжгүй гэж улс төрийн хүрээнийхэн ярьж байгаа. Гэхдээ энэхүү хамтарсан Засгийн газарт Ардчилсан нам орохгүй гэдгээ тус намын дарга, УИХ-ын гишүүн О.Цогтгэрэл мэдэгдсэн. Харин бусад намуудын хувьд санал ирвэл ярилцаж шийднэ гэх хүлээлттэй сууж байгаагаа мэдэгдээд буй.
Сэтгэгдэл бичих