Монгол Улсад цахилгаан мотор, туслах хөдөлгүүрээр тоноглогдсон мопед, унадаг дугуйн импорт сүүлийн жилүүдэд эрчимтэй нэмэгдэж байна.
2022 онд 1,065 ширхэг байсан импорт 2025 онд 12,693 ширхэгт хүрч, 3 жилийн хугацаанд 10 дахин өссөн үзүүлэлттэй байна. Үнийн дүн мөн 1.47 сая ам.доллароос 4.74 сая ам.доллар болж нэмэгджээ.
Тухайлбал
- 2022 онд 1,065 ширхэг, 1.47 сая ам.доллар
- 2023 онд 4,625 ширхэг, 2.52 сая ам.доллар
- 2024 онд 7,795 ширхэг, 3.38 сая ам.доллар
- 2025 онд 12,693 ширхэг, 4.74 сая ам.доллар байна гэж Гаалийн Ерөнхий Газар(ГЕГ)-аас мэдээллээ.
Ямар нэг тусгайлсан зохицуулалтгүй байсан скүүтер, мопед, сурронтой холбоотой зам тээврийн осол нэмэгдсэнээр энэ тал дээр холбогдох албаныхан ажиллаж буй.
Тээврийн Цагдаагийн Албаны хэлтсийн дарга, цагдаагийн хурандаа Б.Очирбат “Цахилгаан дугуй, мопед нь L1, L2, L6 ангиллын тээврийн хэрэгсэл учраас толь, гэрэл, тоормосны механизм бусад шаардлагыг хангуулахад анхаарч, дугаар олгох эрх зүйн орчныг бий болгохоор холбогдох албаныхантай зөвшилцөж байна” хэмээсэн юм. Мөн нийслэлээс скүүтер, цахилгаан дугуйг 16 нас хүрсэн иргэнд түрээслэх, стандартын зогсоол, тэмдэг тэмдэглэгээг хийхээр төлөвлөжээ.
Эх сурвалж: ikon.mn
Сэтгэгдэл бичих