Монгол Улсын Ерөнхийлөгчийн зарлигаар жил бүрийн тав болон есдүгээр сарын Бямба, Ням гарагуудыг “Тэрбум мод тарих үндэсний өдөр” болгон зарласантай холбогдуулан Улаанбаатар хотын хэмжээнд мод тарих ажлыг 5 дугаар сарын амралтын өдрүүдээр зохион байгуулж байна.
Иргэд, байгууллагууд дараах найман байршилд мод тарих боломжтой. Үүнд:
- Баянзүрх дүүргийн 28 дугаар хороо – IGM цэцэрлэгт хүрээлэн
- Хан-Уул дүүргийн 14 дүгээр хороо – Түргэний гол дагуух “Ногоон хэрэм” зурвас
- Налайх дүүргийн 7 дугаар хороо – “Шинэ Налайх” цэцэрлэгт хүрээлэн
- Баянгол дүүргийн 20 дугаар хороо – “Баянгол” цэцэрлэгт хүрээлэнСонгинохайрхан дүүргийн 21 дүгээр хороо – “Инчон мөрөөдлийн төгөл”
- Хан-Уул дүүргийн 14 дүгээр хороо – Айцын ам
- Баянзүрх дүүргийн 20 дугаар хороо – Гачууртын зам-1, “УБЗАА – Мод үржүүлгийн газар”Сонгинохайрхан дүүргийн 39 дүгээр хороо – Хамбын овоо
Мод тарих үйл ажиллагаанд төрийн байгууллагууд, аж ахуйн нэгж, хувь иргэд өөрийн сонгосон газар болон цагийн хуваарийн дагуу оролцох бөгөөд ЗГХА-Ойн газрын мэргэжилтнүүд газар дээр нь заавар зөвлөгөө өгч, хамтран ажиллах аж.
Иргэд өөрсдийн санаачилгаар дуртай байршлаа сонгон, тохирсон өдөр, цагт ирж мод тарих боломжтой. Мод тарихтай холбоотой дэлгэрэнгүй мэдээлэл, зөвлөгөөг 11300078 дугаарт холбогдон авах юм.
Эх сурвалж:БОУАӨЯ
Сэтгэгдэл бичих