Монгол-Япон улсын стратегийн түншлэлийн дунд хугацааны хөтөлбөрийн хүрээнд Иенийн хөнгөлөлттэй зээлээр "Инженер технологийн дээд боловсрол" төслийг 2014 оноос эхлэн хэрэгжүүлсэн. Тэгвэл тус төслийн хоёр дахь үе шат эхэллээ.
Монгол Улсын тэргүүн шадар сайд бөгөөд Эдийн засаг, хөгжлийн сайд Л.Гантөмөр одоогоос 11 жилийн өмнө Боловсрол, шинжлэх ухааны сайд байх үедээ Инженер, технологийн дээд боловсрол буюу 1000 инженер төслийг санаачилсан байдаг. Тэрбээр, эхлүүлсэн төсөл маань амжилттай хэрэгжиж олон чадварлаг эрдэмтэн, судлаач, инженерүүд бэлтгэгдэж эх орныхоо хөгжлийг шинжлэх ухаанч байдлаар хөгжүүлж байгаад баяртай байна" гэжээ.
Тэрбээр, өнөөдөр /2025.08.08/ уг төслийн хоёрдугаар үе шат хэрэгжихээр судалгааны ажил хийгдэж байгаатай танилцсан байна. Мөн Засгийн газраас хэрэгжүүлж байгаа мега төслүүдтэй уялдуулж хүний нөөц бэлтгэх, төр, их сургууль, аж үйлдвэрийн хамтын ажиллагааг бэхжүүлж, төслийн үр нөлөөг илүү сайжруулах талаар албаныхантай санал солилцжээ.
Сэтгэгдэл бичих