Ерөнхийлөгч У.Хүрэлсүх Оюу толгойн гүний уурхайтай танилцлаа


3-р сарын 20
14 цаг 10 минут

Ерөнхийлөгч У.Хүрэлсүх тэргүүтэй Засгийн газрын төлөөлөл, УИХ-ын гишүүдийг Рио Тинто группийн Гүйцэтгэх захирал Якоб Стаусхом тэргүүтэй удирдлагууд Оюу толгойн уурхайд хүлээн авч, үйл ажиллагааг танилцууллаа.

Ерөнхийлөгч Шадар сайд байхдаа Оюу толгойн уурхайд зочилж байжээ. 

Ерөнхийлөгчийг Оюу толгойн Үйл ажиллагаа хариуцсан захирал Эндрью Лая, Эрүүл мэнд, аюулгүй ажиллагаа, байгаль орчин орон нутаг хариуцсан Ерөнхий менежер Филип Абрахам, Өмнөговь аймаг, Ханбогд сумын засаг дарга нар угтав.

Ерөнхийлөгч уурхайтай танилцах үеэрээ Оюу толгой 2024 оны байдлаар дотоодын 750 ханган нийлүүлэгч, баялаг бүтээгчтэй хамтран ажилласныг онцоллоо.

Рио Тинто группийн гүйцэтгэх захирал Якоб Стаусхом “Оюу толгойгоос олборлож буй зэс хүн төрөлхтний ногоон хөгжилд Монгол Улсын оруулж буй үнэтэй хувь нэмэр юм. Энд хэрэгжүүлж буй байгаль орчны чиглэлийн ажлууд таны санаачилсан олон төсөл хөтөлбөрийг дэмжиж буйн бодит жишээ” гэжээ.           

Энэ онд уурхайн олборлолт өмнөх оноос 50 хувиар нэмэгдэн, зэсийн баяжмалын үйлдвэрлэл эрчимтэй өсөж, дараагийн дөрвөн жилд гүний болон ил уурхайгаас жилд дунджаар 500 мянган тонн зэс (100%-ийн цэвэр металл) үйлдвэрлэнэ.

Ингэснээр, Оюу толгой 2030 онд гэхэд дэлхийн дөрөв дэх том зэсийн уурхай болно. Дэлхий дахин ногоон эрчим хүч рүү шилжиж байгаа энэ цаг үед цахилгаан автомашин, сэргээгдэх эрчим хүчний гол түүхий эд болох зэсийг Монголд үйлдвэрлэж байгаа нь дэлхийн уур амьсгалын өөрчлөлтийн эсрэг Монгол Улсын оруулж буй хувь нэмэр юм. 

Оюу толгойн уурхай үйлдвэрлэлийн оргил үедээ өдөр бүр ойролцоогоор 17 мянган цахилгаан автомашин үйлдвэрлэх хэмжээний зэс үйлдвэрлэнэ.  

Ерөнхийлөгч У.Хүрэлсүхийн санаачилга дор хэрэгжиж буй үндэсний хөдөлгөөн, хөтөлбөрүүдийг Оюу толгой компани “100 сая мод өвлүүлэн үлдээе”, “Монголд үйлдвэрлэв”, “Гүнээсээ хайрлая” зэрэг хөтөлбөрүүдээрээ дэмжин ажилладаг.

Оюу толгой үйлдвэрлэлийн оргил үедээ өдөр бүр 17 мянган цахилгаан автомашин үйлдвэрлэх хэмжээний зэс үйлдвэрлэнэ.

Тодруулбал,“Цэнхэр алт” үндэсний чуулгантай зорилго нэгтэй “Гүнээсээ хайрлая” усны мэдээллийн аяныхаа хүрээнд усны зүй зохистой хэрэглээ, дахин ашиглалт, газрын доорх усны ач холбогдлыг олон нийтэд таниулах, нөөцийг хамгаалах зорилгоор Усны газар, салбарын бусад байгууллагатай дөрөв дэх жилдээ хамтран ажиллаж байна. 

Мөн импортын бүтээгдэхүүнийг орлох “Монголд үйлдвэрлэв” хөтөлбөр, орон нутгийн жижиг дунд бизнесүүдийг дэмжих бодлого нь “Цагаан алт” үндэсний хөтөлбөртэй уялдана.

Үндэсний үйлдвэрлэгчдийн аюулгүй ажиллагаа, бүтээгдэхүүн үйлчилгээний чанар, байгаль орчны стандартыг сайжруулан, нэмүү өртөг шингэсэн бүтээгдэхүүнийг дотоодод үйлдвэрлэн, олон арван ажлын байрыг бий болгохын сацуу Монголд шинэ технологийг нэвтрүүлсээр байгаа юм.

Тэрбум мод үндэсний хөдөлгөөний хүрээнд “Оюу толгой” компаниас 2022 онд санаачилсан “100 сая мод өвлүүлэн үлдээе” хөтөлбөрөөр мод тарьж ургуулах, ойжуулалтын ажлын бэлтгэл, боловсон хүчин, мод үржүүлэг, ойн салбарын хүчин чадлыг нэмэгдүүлэн, нөөц, бааз суурийг нь бэхжүүлэх ажлуудыг хийсээр байна.

 





 
АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Дизель түлшний импорт 14 хувиар өсөж, суудлын автомашины импорт 10 хувиар буурчээ11 сар 13. 16:51Microsoft-ийн Outlook, Teams, Copilot программуудын ажиллагаа дэлхий даяар доголджээ11 сар 13. 16:50Соёлын салбарын 137 албан тушаалтныг авлигын эсрэг сургалтад хамруулав11 сар 13. 16:50Батлан хамгаалахын сайд Д.Батлут албан тушаалаасаа чөлөөлөгдөх хүсэлтээ өгчээ11 сар 13. 16:49Сэлэнгийн өмнөд, Төв, Хэнтийн хойд хэсгээр цас үргэлжлэн орно11 сар 13. 16:49Шатахууны нөөц хадгалах гурван савыг ашиглалтад орууллаа11 сар 13. 16:48Эрдэнэсант сумын тариаланчид ургац хураалтаар аймагтаа тэргүүллээ11 сар 13. 16:48Монгол Улсын экспорт 18 орчим тэрбум ам.долларт хүрч, өмнөх оноос 46 хувиар өсжээ11 сар 13. 16:47АТГ-ын Олон нийтийн зөвлөл гаалийн байгууллагын авлигаас сэргийлэх ажлыг үнэлжээ11 сар 13. 16:46Монгол Улс экспортын гарал үүслийн цахим гэрчилгээг гадаад орнуудад хүлээн зөвшөөрүүлэхээр ажиллаж байна11 сар 13. 16:46Дөрвөн улиралд ажиллах олон улсын зусланг төр, хувийн хэвшлийн түншлэлээр барина11 сар 12. 15:00Хоёр өдрийн дотор 17 гаалийн мэдүүлгийг зөрчилгүй мэт үйлдэж ₮19 саяын хахууль авчээ11 сар 12. 15:00
© 2026 он. Зохиогчийн эрх хуулиар хамгаалагдсан.