“Эрүүл шүд-Эрүүл ирээдүй” монголын нүүр ам судлалын салбарын үндэсний хоёрдугаар зөвлөгөөн Төрийн ордонд болж байна.
Дэлхийн эрүүл мэндийн байгууллага /ДЭМБ/-ын статистик үзүүлэлтээр бага болон дунд орлоготой орнуудын өсвөр насныхны 5-10 хувь нь шүдээ ховор угаадаг эсвэл огт угаадаггүй гэсэн судалгааны дүн гарсан байна.
Монгол Улсад нийт суралцагчдын 6.5 хувь нь сүүлийн нэг сарын хугацаанд шүдээ огт угаагаагүй буюу өдөрт нэгээс цөөн удаа угаажээ.
2024 оны үр дүнгээр 0-17 насны гурван хүүхэд тутмын хоёр нь нэгээс дээш шүд цооролттой бөгөөд шүд цоорох өвчний тархалт тухайн насны бүлэгт 77 хувьтай байна.
Улсын хэмжээнд нийт 80 мянга гаруй хүүхдийг урьдчилан сэргийлэх үзлэгт хамруулаад байгаа юм. Нийслэлийн хэмжээнд хамрагдсан 40280 хүүхдээс 95 хувь нь шүдний өвчлөлтэй байна. Шүд цоорох өвчний тохиолдол 5-7 настай хүүхдэд хамгийн өндөр байгаа аж.
Амны хөндийн өвчлөлийг тууштай бууруулахад чиглэсэн амны хөндийн эрүүл мэндийн бодлого, эрх зүйн орчныг сайжруулах, амны хөндийн эрүүл мэндийг дэмжих, эмгэгээс урьдчилан сэргийлэх зэрэг эрүүл мэндийн цогц арга хэмжээг үе шаттайгаар хэрэгжүүлэхээр тусгасан төдийгүй цаашдын салбар хоорондын хамтын ажиллагааг өргөжүүлэх бодлогын ажлуудыг хэрэгжүүлж байна гэж Эрүүл мэндийн яамнаас мэдээллээ.
Сэтгэгдэл бичих