"Орон сууцанд оруулна, бүртгэлд багтаана" гэх зэргээр "Төрийн орон сууцны корпораци" ТӨХХК-ийн болон албан хаагчдын нэрийг барьж, иргэдийг хохироох, залилах үйлдэл гарч байгаа талаар тус компаниас мэдээллээ. Тодруулбал, "Төрийн орон сууцны корпораци" ТӨХХК нь нийслэлийн Хан-Уул дүүргийн 21 дүгээр хорооны нутаг дэвсгэрт хэрэгжүүлж буй "Солонго 1, 2" орон сууцны хороолол барих төсөл болон бусад төслүүд дээр ямар нэгэн бүртгэл, урьдчилгаа захиалга аваагүй болохыг мэдэгджээ.
"Төрийн орон сууцны корпораци" ТӨХХК аливаа бүртгэл болон орон сууцтай холбоотой мэдээллийг албан ёсны цахим хуудсаараа хүргэдэг бөгөөд мэдээлэл авах шаардлагатай иргэд 7288-7788 дугаарын утсаар холбогдох, ажлын байранд биеэр ирж уулзах боломжтой юм байна.
Тиймээс тус компанийн нэр хүндэд халдсан, албан хаагчдын нэрийг барьсан, иргэдээс мөнгө нэхэх, залилах үйлдлийг таслан зогсоож, хууль хяналтын байгууллагад тухай бүрд нь шалгуулах болно гэдгийг мэдээллээ.
Сэтгэгдэл бичих