Өнгөрсөн жилийн зургаадугаар сараас хойш олон улсын сансрын станцад “гацсан” хоёр нисгэгчийг НАСА мягмар гарагт /2025.03.18/ буцааж авчирсан байна. Бутч Уилмор, Суни Уильямс нар өнгөрсөн зургаадугаар сард “Boeing”-ийн Starliner хөлгөөр Олон улсын сансрын станц руу очсон юм. Гэвч “Boeing”-ийн онгоцонд техникийн асуудал гарсан тул НАСА тэднийг станц дээр орхин, Starliner хөлгийг хүнгүй буцааж авчирсан.
Уилмор, Уильямс хоёр найман хоногийг л станцад өнгөрүүлэх ёстой байсан бол ес гаруй сарыг Олон улсын сансрын станцад өнгөрүүлсэн юм. Тэднийг “SpaceX” компанийн Dragon хөлгөөр буцааж авчирчээ. Дөрвөн хүн тээвэрлэсэн Dragon хөлөг Флоридагийн булангийн эргээс 80 км орчим зайд, далайд газардсан байна.
Тэднийг буцаан авчрах ажил АНУ-ын Ерөнхийлөгч Доналд Трампын анхаарлыг татаж, нэгдүгээр сард тэр Цагаан ордонд буцаж ирснийхээ дараа Уилмор, Уильямс хоёрыг хурдан буцааж авчрахыг уриалсан. Мөн Трамп Жо Байденыг улс төрийн шалтгаанаар тэднийг Олон улсын сансрын станцад хаясан гэж ямар нэгэн нотлох баримтгүйгээр буруутгасан юм.
Эх сурвалж: Reuters
Сэтгэгдэл бичих