Түргэн үйлчилгээний цэг/ТҮЦ/-ээр амь зуугчдын холбооноос өнөөдөр /2025.02.18/ мэдээлэл хийлээ.
Тус холбооныхон “CU –гийн урилга заллагаар БНСУ-д аялаад ирсэн эрх бүхий дарга нарын асуудлаар гомдол гаргаж, АТГ-аар шалгуулахаа мэдэгдэж байна.
Төрийн нэрээр баяжих хүсэлтэй бузар буртгууд өт хорхой шиг үржиж, олшроод байгаа тул явуурал туйлдаа хүрлээ. Иймээс энэ бүртгуудыг шат, шатанд нь тэмцэж, цэвэрлэхийг Ерөнхий сайдаас шаардаж байна. Төрийн албанд дахин ажиллах боломжгүй болгож байж нэг алхам урагшилна.
Мөн гадныханд бизнесийг булааж өгч найр тавихаа зогсоохыг шаардаж байна.
Олон худалдаа эрхлэгчдийн ТҮЦ-ийг хааж, харийнхантай нийлж амьдрал сүйрүүлж буй авлигагчдад хулуийн хариуцлага хүлээлгэхийг шаардаж байна” гэлээ.
Мөн тэд “Сар шинийн баяр дөхчихсөн үед хяналт шалгалтаа сайжруулж, ажлаа хийх ёстой байтал бөөнөөрөө БНСУ-руу явсан. Улаанбаатар хотын захирагчийн ажлын албаны газрын дарга н.Дуламсүрэн, Багануур дүүргийн менежер н.Бямбацэцэг, Нийслэлийн хүнс хөдөө аж ахуйн газрын хяналтын хэлтсийн ахлах байцаагч н.Цэрмаа, Нийслэлийн хүнсний чанар хяналтын ахлах байцаагч н.Чимгээ нарын 10 гаруй хүн явсан. Гадаадад очсон шалтгаанаа туршлага судалхаар явсан гэж тайлбарлаад байгаа. Сарын хоёр сая төгрөгийн цалинтай хүмүүс БНСУ-руу хувиасаа зардал гаргаад туршлага судална гэж байхгүй. Бидний авсан мэдээллээр CU зардлыг нь гаргаад БНСУ-аас урилга ирүүлсэн.
Ажлын өдөр ажлаа хийгээд явах ёстой байтал яасан судалж бардаггүй туршлага вэ” гэв.
Сэтгэгдэл бичих