Европын удирдагчид Францад айлчилж, Украины асуудлаар яаралтай дээд хэмжээний уулзалт хийх болсон байна. Тодруулбал, Францын ерөнхийлөгчийн тамгын газраас зохион байгуулж буй дээд хэмжээний уулзалтын үеэр Украины нөхцөл байдал болон Европын аюулгүй байдлын сорилтын талаар хэлэлцэх юм байна.
Даваа гаригт эхлэх уг уулзалтад Францын ерөнхийлөгч Эммануэль Макрон, Германы канцлер Олаф Шольц, Их Британийн ерөнхий сайд Кейр Стармер нар оролцоно. Мөн Европын комиссын ерөнхийлөгч Урсула фон дер Лейен, НАТО-гийн ерөнхий нарийн бичгийн дарга Марк Рютте нар оролцоно.
АНУ-ын ерөнхийлөгч Дональд Трампийн засаг захиргаа болон Европын засгийн газрууд ОХУ-ын Украинд хийсэн түрэмгийллийг хэрхэн зогсоох талаар санал зөрөлдөж буй. Мөн АНУ болон ОХУ-ын төлөөлөгчид уулзах болсон энэ үед яаралтай хурал хийх шаардлагатай гэж Макрон үзжээ. Украин болон Европын талууд мөргөлдөөнийг зогсоох аливаа хэлэлцээг дээр дурдсан орнуудын оролцоогүйгээр үргэлжлүүлэх ёсгүй гэж Макрон үзэж байна. Харин Украин, ОХУ-ын асуудал эрхэлсэн АНУ-ын тусгай элч Кит Келлог хэлэхдээ, Европыг АНУ болон ОХУ-ын хэлэлцээнд оролцуулах хүсэлгүй байгаа аж. Мөн Трампийн засаг захиргаа Европын орнуудаас Украины аюулгүй байдалд ямар хувь нэмэр оруулж чадах вэ гэдэгт нь эргэлзэж байна гэж ажиглагчид үзжээ.
ЭХ СУРВАЛЖ: NHK
Сэтгэгдэл бичих