"Хүннү" бондын ханш сүүлийн арилжаагаар нэг гаруй хувиар өслөө.
Монгол Улсын Засгийн газар 2026 онд хугацаа нь дуусах 566 сая ам.долларын “Номад” (MONGOL 26) болон 2028 онд хугацаа нь дуусах 650 сая ам.долларын “Хүннү” (MONGOL 28) бондыг худалдан авах тендер зарласны дараа "Номад" бондын ханш эрс өсөж, 2022 оны аравдугаар сарын 21-нээс хойших дээд түвшинд хүрлээ.
Харин "Хүннү" бондын ханш сүүлийн арилжаагаар нэг гаруй хувиар өсөж, 106 гаруй ам.доллар болоод байна.
Түүнчлэн хөгжиж буй орнуудын бондуудын эрсдэлийн өгөөж Covid-19 цар тахлын дараах доод түвшиндээ хүрлээ. Хөгжиж буй орнуудын бондууд АНУ-ын Засгийн газрын бондын өгөөжөөс 314 суурь нэгжээр өндөр өгөөжтэй байх хүлээлттэй байна. Өөрөөр хэлбэл энэ нь Монгол Улсын Засгийн газар шинээр бонд гаргах таатай нөхцөл байдал байгааг илтгэж байна.
Сэтгэгдэл бичих