Халдварт өвчин судлалын үндэсний төв /ХӨСҮТ/-өөс томуу, томуу төст өвчний нөхцөл байдлын талаар ээлжит мэдээллийг өглөө.
Улаанбаатар хот болон Ховд, Баян-Өлгий, Дундговь, Дорноговь, Хэнтий, Сүхбаатар, Орхон аймгуудаас вирус судлалын тандалт авсан. Хамрагдсан хүмүүсийн 53.9 хувьд нь томуу, томуу төст өвчин үүсгэгч бүртгэгджээ.
2025 оны гуравдугаар долоо хоногийн байдлаар томуу, томуу төст өвчин улсын хэмжээнд алаг цоог дэгдэлтийн түвшинд байгааг мэдээлэв.
Түүнчлэн ирэх даваа гаргаас сурагчдын хичээл эхэлнэ. Олон жилийн зүй тогтлоос харахад энэ үеэр өвчлөл нэмэгддэг гэдгийг онцолсон.
Иймд
- Эцэг эхчүүд хүүхдэд нь эмнэл зүйн шинж тэмдэг илэрч байвал хичээлд нь явуулахгүй байх,
- Хүүхдийг хичээлд нь явуулахдаа амны хаалт зүүлгэх, 2-3 цаг тутамд солих амны хаалтыг мөн цүнхэнд нь хийж явуулах,
- Халуун, бүлээн шингэн юм уулгах,
- Гар ариутгагч, нойтон салфетка хангалттай өгч явуулахыг зөвлөлөө.
Сэтгэгдэл бичих