Хэлэлцэж буй хуулийн төсөлтэй холбоотойгоор гишүүд асуулт асууж, хариулт авч байна. УИХ-ын гишүүн Д.Энхтүвшингийн асуусан асуултад Н.Учрал гишүүн хариулт өгөв.
Тэрбээр, Төрийн өмчит компаниудад асуудал үүсээд байдаг зүйл зөвхөн манай улсад байгаа юм биш. Энэ хууль гарснаар засаглал илүү оновчтой болно. Засгийн газар хэрхэн оролцох заагийг тодорхой болгож өгнө.
Мөн хувийн хэвшилтэй адил гүйцэтгэлийн үнэлгээ, KPI, индикаторуудын дагуу үнэлдэг зөв тогтолцоо руу төрийн өмчит компаниуд шилжиж, өрсөлдөөний зарчим руу шилжиж байна. Ингэхээр бүтээмж нэмэгдэнэ.
Харин ажлын хэсгийнхнээс хүсэх зүйл нь энэ шалгуурыг багасгаж болохгүй. Гурван жил санхүүгийн алдагдлаа огт бууруулаагүй байх нь компанийг татан буулгах үндэслэл болно гэдгийг төсвийн хуулийг дагалдуулаад хийсэн.
Санхүүгийн алдагдлаа яаж бууруулах уу гэхээс илүү өөрийг нь томилсон хүн рүү залгаад аврал эрдэг энэ дампуу тогтолцоог одоо халахгүй бол болохгүй. Тэгэхээр хуулиа батлаад хуулийн дагуу чаддаг сайн мэргэжилтнүүд нь компаниа удирддаг, дагаад төрийн өмчит компанийн удирдлагуудын нэр хүнд өсөх ёстой гэдэг агуулгыг баримталж байна гэв.
УИХ-ын чуулганы үдээс хойших хуралдаан эхэллээ. Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцэж байна.
Хууль санаачлагчийн илтгэлийг Ерөнхий сайд Л.Оюун-Эрдэнэ танилцуулав.
Тэрбээр, Цаашид эдийн засгийн өсөлтийг тогтвортой хадгалахын тулд Засгийн газраас 14 мега төслийг хэрэгжүүлж, хөрөнгө оруулалт, бизнесийн орчныг сайжруулахад анхаарлаа хандуулж, үе шаттай ажиллаж байна.
Ерөнхий сайдын дэргэдэх эдийн засгийн зөвлөлд олон улсын экспертүүдийг урьж ажиллуулах улс төрийн шийдвэрийг гаргалаа гэв.
Сэтгэгдэл бичих