Монакогийн вант улсын Монте-Карло хотод зохион байгуулдаг олон улсын "А" зэрэглэлийн циркчдийн тэмцээнээс Монголын циркчид хос цом хүртжээ. Олон улсын тэмцээнд Монгол Улсын уран бүтээлчид өсвөр насны ангилалд хоёр үзүүлбэрээр оролцсон бөгөөд тэмцээний алтан цомыг Т.Буд багштай "Х-Roses" уран нугараачид хүртсэн бол хүрэл цомыг нь "Монгол циркийн хөгжлийн төв" ТББ-ын продюсер Н.Эрдэнэ, Н.Энхболд багштай акробатын залуу жүжигчид хүртсэн байна.
Тэмцээн 2025 оны нэгдүгээр сарын 17-21-ний өдрүүдэд Монакогийн вант улсын Монте-Карло хотод болж, дэлхийн 20 орны 231 циркийн жүжигчин авьяас чадвараараа өрсөлджээ.
Циркийн урлагийн дээд зэрэглэлийн олон улсын тэмцээн буюу олимп гэгддэг тус тэмцээнд Монгол Улсаас энэ жил гурван баг гурван өөр төрөлд оролцсон байна.
Сэтгэгдэл бичих