АНУ-ын ерөнхийлөгч Жо Байден болон дэд ерөнхийлөгч Камала Харрис нар есдүгээр сарын 26-нд Украины ерөнхийлөгч Володимир Зеленскийтэй уулзахаар төлөвлөж байна. Гэхдээ уулзалт олон нийтэд нээлттэй бус болно гэж Цагаан ордноос мэдээллээ. Зеленский өнгөрсөн сард дайныг дуусгах шинэ төлөвлөгөө боловсруулсан гэж мэдэгдэж байсан. Мөн Оросын газар нутагт барууны баллистик зэвсгийг ашиглахгүй байх НҮБ-ын хоригийг цуцлуулах талаар ярилцаж магадгүй юм.
Зеленскийн хувьд Цагаан ордонд айлчлах бөгөөд мөн хугацаанд 2024 оны ерөнхийлөгчийн сонгуульд нэр дэвшигч Дональд Трамптай уулзана гэж найдаж буй.
Тэрбээр сонгуульд хэн ялах нь хамаагүй ч Украинд дэмжлэг үзүүлэх хүчин чармайлтыг нь хүсч байна гэж удаа дараа мэдэгдсэн юм. АНУ, Украины харилцаа гүнзгийрсэн энэ үед Зеленский айлчлах болсныг Кремль буруутгаж, барууны орнуудад дахин анхааруулга өгөөд байна. Хэрэв ирэх сард Зеленскийн дайныг зогсоох төлөвлөгөөг Байден баталгаажуулах бол Орос хариу арга хэмжээ авч магадгүй гэж шинжээчид үзэж байна.
Эх сурвалж: AFP
Сэтгэгдэл бичих