Эрүүл мэндийн сайд Т.Мөнхсайхан Азийн хөгжлийн банкны Монгол Улс дахь Суурин төлөөлөгч, хатагтай Шаннон Ковлин тэргүүтэй албаны хүмүүсийг энэ сарын 16-нд хүлээн авч уулзлаа.
Уулзалтаар сайд Т.Мөнхсайхан эрүүл мэндийн салбарт тулгарч буй асуудлуудын талаар товч мэдээлэл өгч, цаашид хамтран ажиллах үйл ажиллагааны үндсэн чиглэлийн талаар танилцуулж, санал солилцов. Сайд Т.Мөнхсайхан газар нутгийн хэмжээ, хүн амын байршлаас хамаарч яаралтай тусламжийг цаг алдалгүй үзүүлэхэд дэлхийн жишигт нийцсэн нисдэг тэрэг, бага оврын онгоц шаардлагатай байгааг онцлоод, сонгогдсон аймгуудад Бүсийн оношилгоо, эмчилгээний төвийг шинээр байгуулах тал дээр Азийн хөгжлийн банктай хамтран ажиллах саналтай байгаагаа илэрхийллээ.
Азийнхөгжлийн банкны Монгол Улс дахь Суурин төлөөлөгч, хатагтай Шаннон Ковлин Эрүүл мэндийн сайдын албан тушаалд томилогдсонд баяр хүргэж, ажлын амжилт хүсэв. Тэрбээр Азийн хөгжлийн банкнаас хэрэгжиж буй төслийн явц, цаашид хийх үйл ажиллагаа, төлөвлөгөөний талаар мэдээлэл өгч, тус яамнаас хэрэгжүүлэх ажлуудыг дэмжиж, хамтран ажиллахаа илэрхийлэв.
Сэтгэгдэл бичих