Эрүүл Мэндийн Даатгалын Ерөнхий Газар(ЭМДЕГ)-ын мэдээгээр эрүүл мэндийн даатгалын сангийн орлого 2024 оны эхний хагас жилд 953.8 тэрбум төгрөг болж, өмнөх оны мөн үеэс 23 хувь буюу 178.4 тэрбум төгрөгөөр нэмэгдсэн байна.
Харин зарлага нь энэ оны эхний хагас жилд 1.1 их наяд төгрөг болж, өмнөх оны мөн үеэс 42.1 хувь буюу 335.5 тэрбум төгрөгөөр өсжээ.
Монгол Улсын хэмжээнд 2024 онд эрүүл мэндийн даатгалыг өөрөө хариуцан төлөх 140,570 малчин бий. Тэгвэл энэ оны эхний долоон сарын байдлаар 42,386 малчин буюу 30 гаруй хувь нь эрүүл мэндийн даатгалыг өөрөө хариуцан төлөв.
Улсын хэмжээнд 2024 оны эхний хагас жилд эрүүл мэндийн даатгалд давхардаагүй тоогоор 3.1 сая хүн даатгуулсан байна. Нийт даатгуулагчийн 71.9 хувийг улсын төсвөөс хариуцсан иргэд, 22.7 хувийг ажил олгогч, даатгуулагч хариуцан төлсөн иргэд, 5.4 хувийн шимтгэлийг өөрөө хариуцан төлсөн иргэд байгаа юм.
Сэтгэгдэл бичих