Массачусетсийн Дартмутын их сургуулийн оюутнууд төгсөлтийн баяраараа нэгэн хүндтэй зочноос бэлэг авчээ. "Granite Telecommunications"-ийн үүсгэн байгуулагч, гүйцэтгэх захирал Роберт Хейл Жуниор 5 тэрбум ам.долларын хөрөнгөө оюутнуудтай хуваалцсан байна. Тэрбээр орон нутгийн сайн үйлсэд идэвхтэй оролцдог ба Канцлерын одонгоор шагнуулсан нэгэн юм.
Роберт Хейл Жуниор 1,200 төгсөгч оюутан тус бүрт мянган ам.доллар өгсөн ба " Дэлхий дахинд нэг нэгнээ хайрлаж, туслах үед ирээд байна. Би өнөөдөр та бүхэнд хоёр бэлэг бэлдлээ. Нэг нь та бүхэнд өгч буй мөнгө. Хоёрдох нь та бүхэн хэн нэгэн хүнд тал мөнгөө өгч буян болох сэтгэлийн бэлэг юм. Би та бүхэнд тус бүр хоёр дугтуй өгсөн. Нэг дугтуйг нь та нар авч болно. Харин хоёрдох дугтуйг хэрэгтэй хүн нь өгч, бусдад туслах явдал юм" гэжээ. Дугтуй тус бүрт таван зуун ам.доллар байх ба Хейл оюутан залуусыг хандивын аянд уриалжээ.
Тэрбээр анх удаа төгсөгч нарт бэлэг өгч байгаа юм биш. Өмнө нь 2021 онд Квинси коллежийн төгсөлтийн баяр дээр Хейл ирж журмын дагуу мянган ам.доллар гардуулсан байдаг. Оюутнуудыг тал мөнгөө хэрэгтэй нэгэнд нь хандивлахыг уриалж " Бид чадалтай байгаа дээрээ хэн нэгэнд туслах хэрэгтэй" гэж ярьж байжээ. Мэдээж бүх төгсөгч оюутнууд түүний бэлгийг хүлээн авч, тал мөнгөө хандивын байгууллагад өгсөн.
Роберт Хейл нь Америкийн бизнесмен, "Granite Telecommunications" компанийн үүсгэн байгуулагч, гүйцэтгэх захирал бөгөөд Бостонд төвтэй арилжааны үл хөдлөх хөрөнгийн "FoxRock Propertie"s фирмийн үүсгэн байгуулагч юм. Форбес сэтгүүлийн мэдээлснээр Хейл одоогийн байдлаар 5.4 тэрбум ам.долларын хөрөнгөтэй бөгөөд дэлхийн хамгийн баян хүмүүсийн жагсаалтын 572-т, Америкийн хамгийн чинээлэг хүмүүсийн жагсаалтын 203-т бичигддэг.
Сэтгэгдэл бичих