Вийрават “Биг” Течакижатори: Монголын номын зах зээл жижигхэн ч боломж ихтэй


5-р сарын 17
16 цаг 22 минут

Маргааш эхлэх 35 дахь удаагийн Үндэсний номын баярт оролцож, Монголын номын зохиолч, хэвлэн нийтлэгчидтэй танилцахаар “Эндрю Нюренберг Асошиэйтс” компанийн Бангкок дахь салбарын захирал Вийрават “Биг” Течакижатори манай улсад иржээ.

 

Тус компани дэлхийн 13 оронд салбартай бөгөөд дэлхийд алдартай утга зохиолын зуучлагч агентлаг юм. Тэгвэл Тайланд дахь салбар нь Монгол, Индонез, Тайландыг хариуцан ажилладаг байна. Түүнтэй цөөн хором ярилцлаа.

 

-Монголд анх удаа ирж байгаа тухай сонслоо. Анхны сэтгэгдэл ямар вэ?

-Монголд анх удаа, бас Монголын номын баярт анх удаа ирлээ. Улаанбаатар маш сонирхолтой хот байна шүү.

 

-Монголд ирэхээсээ өмнө ямар мэдээлэлтэй байв. Манай улсыг хэрхэн төлөөлж байсан бэ?

-Хоёр зүйлийг хэлье. Би  “Эндрю Нюренберг Асошиэйтс” компанийн захирал болохоос өмнө Монголыг огт мэддэггүй байсан. Харин энэ ажлаа авснаас хойш Монголыг сонирхож эхэлсэн. Яагаад гэвэл манай салбар Монгол, Индонез, Тайландыг хариуцдаг учраас тэр. Монгол зөвхөн Чингис хаанаар хязгаарлагддаггүй юм байна гэдгийг мэдсэн. Орчин цагийн Монгол ч сонирхолтой юм билээ. Улс төрийн амьдрал, Монголын номын зах зээлийг сонирхсон. Монголын номын зах зээл жижигхэн ч боломж ихтэй гэдгийг ойлгож байна.

 

-Монголын номын баярын тухай мэдээллийг гүүглээр хайхад 10 гаруй орны хэл дээр танилцуулга гарч ирдэг. Та хэр мэдээлэлтэй байна вэ, энэ баярын талаар?

-Саяхан нэг фэйсбүүк болон “Номын баяр”-ын пэйж хуудсаас мэдээлэл авсан. Мөн албан ёсны сайтаас нь хэрэгтэй мэдээллээ цуглуулсан.

 

-Ямар нэгэн тохиолдлоор монгол зохиолчдын ном уншиж байв уу?

-Одоогоор уншиж амжаагүй. Гэхдээ өчигдөр номын дэлгүүр орохдоо хэд хэдэн ном харсан. Бас гадаадын номыг монгол хэл дээр хэрхэн орчуулсныг харлаа. Тай хэл дээр орчуулсан Монголын тухай номыг харж байсан юм. Түүнийг гадаадын хүмүүс бичсэн байсан. Яг монгол хүний ном уншиж үзээгүй.

 

-Та дэлхийн олон оронд номын яармагт оролцож байсан юм билээ. Маргааш Улаанбаатарт эхлэх “Номын баяр”-аас юу хүсэж, хүлээж байна вэ?

-Өмнө нь Улаанбаатарт болдог “Номын баяр”-ын зургийг харж байсан. Харин маргааш бодитоор үзэж, танилцах гэж байна. Зохиолч, хэвлэн нийтлэгчид номоо хэрхэн өрөх, номтойгоо хэрхэн харьцаж байгааг, мөн уншигчид ном хэрхэн худалдаж авдгийг харах болно. Зохиолч, хэвлэлийн компаниудын асарт зочлох бодолтой. Номын тухай олон сонирхолтой яриа өрнүүлнэ. Би олон оронд номын яармагт очиж байсан. Бүгд өөрийн онцлогтой. Монголынх ч гэсэн тэднээс ялгарах байх гэдэгт итгэлтэй байна.

 

-Монголд яг ямар зорилготой вэ. Зөвхөн “Номын баяр”-т оролцоод зогсохгүй биз?

-Нэгдүгээрт, “Номын баяр”-ыг үзэж, уур амьсгал мэдэрмээр байна. Номын бизнес хэрхэн явагддагийг харахыг хүссэн. Хоёрдугаарт, хэвлэн нийтлэгчидтэй танилцаж, ажил хэргийн холбоо тогтоомоор байна.

 

-Манай улсаас хамтарч ажилладаг газар бий юү?

-Тийм ээ, байгаа. Тэдэнтэй өмнө нь имэйлээр харилцах, эсвэл дүрсээ харж ярьдаг байлаа. Харин маргааш бодитоор нүүр тулж уулзах болсон доо баяртай байна. Энэ бол маш чухал. Энэ нь маш сайхан хэрэг. Монголд “Тагтаа”, “Нэпко”, “Мон судар” гэх мэт 5-6 газартай хамтарч ажилладаг.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Монгол, Хятадын хэвлэл мэдээллийн хамтарсан сурвалжилга эхэллээ6 сар 12. 17:06Трамп Хятадын ерөнхийлөгчийг АНУ-д айлчлахыг урьжээ6 сар 6. 12:59Монголд нэг сарын дотор 66.360 жуулчин иржээ6 сар 6. 12:57ДЦС-5-ыг барих ААН-тэй 30 жилийн гэрээ байгуулна, барих-ашиглах-шилжүүлэх нөхцөлтэй байна6 сар 6. 12:55Дулаарлыг хоёр хэмээс доош байлгахад "Тэрбум мод" хөтөлбөр хувь нэмэр оруулна6 сар 6. 12:54Д.Тогтохсүрэн: МАН одоо дангаараа засаглана гэвэл энэ данхгар бүтцийг эрс багасгах ёстой6 сар 6. 12:29Ч.Хүрэлбаатар: Шинэ Засгийн газрыг УИХ дотроосоо байгуулах нь зөв6 сар 6. 12:26Украины дайныг хамтдаа зогсоохыг санал болгожээ6 сар 6. 12:21Дүүжин замын тээврийн багана суурь байрлуулах ажил үргэлжилж байна6 сар 6. 12:20“Зуун мод” цэцэрлэгт хүрээлэнг тохижуулж, амралтын чөлөөт бүс болгоно6 сар 6. 12:19Тариалалт тал хувийн гүйцэтгэлтэй байна6 сар 5. 17:27Тэтгэврийн зээлийг тэглэхэд зарцуулсан 850 тэрбум төлөгдөөгүй байна6 сар 5. 17:25
© 2025 он. Зохиогчийн эрх хуулиар хамгаалагдсан.