Манай улсын нийт малын 10.2 хувь нь хорогджээ


4-р сарын 12
15 цаг 41 минут

Улсын онцгой комиссоос долоо хоног бүрийн сондгой тоотой өдөр Монгол орны хаваржилтын нөхцөл байдлын мэдээллийг олон нийтэд хүргэж байгаа билээ.

Тэгвэл өнөөдөр ээлжит мэдээлл хийхдээ манай орны нийт газар нутгийн 10 хувь цасан бүрхүүлтэй, зудтай аймаг, сумын тоо эрс буурсан гэдгийг онцлов. Гэхдээ шар усны үерийн аюул холдоогүйг УОК-ын нарийн бичгийн дарга Т.Баярхүү санууллаа.

 Өчигдрийн байдлаар зудын улмаас хорогдсон малын тоо 6.6 саяд хүрчээ. Энэ нь нийт малын 10.2 хувьтай тэнцэж байгаа юм. Орон нутагт цаг агаар дулаарч, хэвийн хэмжээнд очиход эрт байгаа учраас хорогдсон малын тоо долоон саяд хүрэх магадлалтайг албаныхан онцоллоо. Өнгөрсөн өвөл болон хавар нүүрлэсэн цас зудын гамшгийн улмаас 100 хувь малгүй болсон өрхийн тоо 400-д хүрсэн бол малынхаа 70-аас дээш хувийг малчин айл хэдийн 4000 давжээ.

 Иргэд, аж ахуйн нэгж, хүмүүнлэгийн байгууллагуудаас ирүүлсэн тусламжийн бараа, материалыг тарааж дууссан бол хандивын мөнгийг одоогоор зарцуулаагүй байна. Тэгвэл хорогдсон малын сэг зэмийг устгах ажил удаашралтай, хүн хүч дутмаг байгаа аж. Одоогоор нийт хорогдсон малын сэг зэмийн 10 хувийг булж, устгалд оруулсан байна. Цаашид энэ ажлыг эрчимжүүлэх тал дээр анхаарч байгааг УОК-ын нарийн бичгийн дарга Т.Баярхүү ярилаа.

 Өнөөдрөөс баруун аймгаас эхлэн хүчтэй шороон болон цасан шуурга шуурна. Гурван өдөр үргэлжлэх энэхүү цас, шуурга байгалийн гамшигт хэмжээнд хүрч болзошгүй. Тиймээс иргэд, тээвэрчид, малчид анхаарал болгоомжтой байж бага насны хүүхэд, өндөр настанг малд явуулахгүй байх, малаа шуурганд уруудуулахаас сэргийлэх зэрэг өөр өөрийн нөхцөлд тохирсон урьдчилан сэргийлэх арга хэрэглэж аюулгүй байдлаа хангахыг онцгойлон анхааруулав.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

"Амь нас, эрүүл мэндээ эрсдэлд оруулан ажилладаг алба хаагчдадаа баярлалаа"5 сар 17. 16:41Альцгеймер өвчин хүнээс хүнд халдах магадлалтай5 сар 17. 16:40Саналын хуудас нэр дэвшигчид болон нам эвсэлд гэсэн хоёр хэсэгтэй байна5 сар 17. 16:39Цэргийн ёслол, хүндэтгэлийн жагсаалд 1600 орчим алба хаагч, тусгай албаны техник хэрэгсэлтэй оролцов5 сар 17. 16:38Нэр дэвшигчдээс мөнгөн болон мөнгөн бус хөрөнгө шаардах нь хууль бус үйлдэл5 сар 17. 16:3726 жил сураггүй болсон эрэгтэй зооринд олзлогдсон байжээ5 сар 17. 16:37Сураггүй болсон уулчин Ц.Өсөхжаргалын цогцсыг олжээ5 сар 17. 16:34"Шүүгчид өөрсөддөө хариуцлага тооцуулахгүй байх лоббиг хүчтэй хийсээр байна"5 сар 17. 16:31Газын зурваст АНУ-ын тусламж хүрэхэд бэлэн болов5 сар 17. 16:30Вийрават “Биг” Течакижатори: Монголын номын зах зээл жижигхэн ч боломж ихтэй5 сар 17. 16:22“Шинэ газрын тос” гэгдэх болсон зэсийг тойрсон хулгайн гэмт хэрэг дэлхий даяар нэмэгджээ5 сар 15. 16:03"Евро-Азийн зорчигчийн зах зээлээс Улаанбаатараар дамжих транзит зах зээлийг хөгжүүлнэ"5 сар 15. 16:02
© 2024 он. Зохиогчийн эрх хуулиар хамгаалагдсан.