Сэтгэцфизиологийн үндсийг судалгааны үр дүн, баримт, нотолгоонд үндэслэн тайлбарлажээ


2-р сарын 29
15 цаг 53 минут

2018 онд “Алтан Психея” шагнал хүртсэн “Психофизиология” сурах бичгийн монгол орчуулга уншигчдын хүртээл боллоо. 

ОХУ-ын Санкт-Петербург хотын А.И.Герцений нэрэмжит СХУ-ны Улсын их сургуулийн профессор, доктор /Sc.D/ Николаева Елена Ивановнагийн “Сэтгэцфизиологи” номыг сэтгэл судлалын ухааны доктор /Ph.D/ Б.Энхмаа, сэтгэл судлалын магистр /M.A/ А.Тэгшжаргал нар орчуулжээ.


МУБИС-ийн номын санд болсон нээлтийн үеэр номын зохиогч Николаева Елена Ивановна хэлэхдээ, “Энэхүү сурах бичгийн онцлог нь зөвлөлтийн судлаачдын дэвшүүлсэн тархи боллон ухамсрын харилцан үйлчлэлийн тухай суурь үзэл санаанууд болон гадаадын зохиогчдын зарчмын шинэ үзэл баримтлалуудын хооронд харилцан буулт хийх боломж байгаа эсэхийг тодруулахыг оролдсон явдал юм. Үзэгдэл нэг механизмаар бус, харин олон механизмаар  тодорхойлогдох нь их байдаг. Эцсийн бүлэгт зөрчилтэй мэт санагдахуйц механизмууд нь ердөө л нэг зоосны хоёр тал байдаг учраас сэтгэл хөдлөлийн болон танин мэдэхүйн үйл явцуудын сэтгэцфизиологийн механизмуудын талаарх үзэл санаануудын өргөн хүрээг харуулахыг зорьсон” хэмээв.

 

Тус бүтээл сэтгэл судлалын шинжлэх ухааны суурь асуудлууд болох сэтгэц, зан үйлийн сэтгэцфизиологийн үндсийг хамгийн сүүлийн үеийн судалгааны үр дүн, баримт, нотолгоонд үндэслэн тайлбарлажээ.

Хүн яагаад уйлж, инээж, уурладаг төдийгүй ямар нэг үйлдлийг яагаад өөрийн эрхгүй санамсаргүй үйлддэг болох гэх мэт олон асуултын хариуг энэхүү номоос олж мэдэх боломжтойг орчуулагч, Сэтгэл судлалын ухааны доктор /Ph.D/ Б.Энхмаа тодотгов.

Тэрбээр, “Хүн дотоод, гадаад олон талт мэдрэмжүүдээ нэг түвшинд байлгах нь угтаа сэтгэл зүйн эрүүл мэндийн хувьд хэвийн гэж хэлж болно. Энэ нь тэнцвэрт байдлыг хэрхэн хадгалах, үг үйлдэл нэг байхын учрыг сэтгэцфизиологийн үүднээс тайлбарласан энэхүү сурах бичиг нь сэтгэл судлаач оюутнуудын суралцах хугацааны сайн нөхөр хийгээд судлаачийн судалгаа шинжилгээний эрэл хайгуулын замналд ташуур болж чадна хэмээн найдаж байна. Тус номыг монгол хэлнээ орчуулах явцад хамгийн их тулгарсан бэрхшээл бол шинжлэх ухааны нэршил,  нэр томьёог монгол хэлэнд хэрхэн зөв оноох асуудал байсан. Энэ нь манай салбарын эрдэмтэн судлаачид сэтгэл судлалын шинжлэх ухааны нэр томьёог зөв оноох, цэгцлэх, журамлах, улмаар хэвшүүлж нэг мөр болгох нь цаашдын сэтгэл судлаач мэргэжлээр суралцаж буй оюутан залууст нэн шаардлагатай байгааг харуулж байна” гэв.

 

Ташрамд дурдахад, профессор, доктор /Sc.D/ Николаева Елена Ивановна маргааш Боловсрол судлалын сургуульд МУБИС-ийн багш нарт зориулсан лекц тавих юм.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Оюутолгойгоос иргэн бүрд 857 мянган төгрөг олгох асуудлаар ажлын хэсэг байгуулав11 сар 18. 14:28МАН-ын ЕНБ-ийн дарга Я.Содбаатар АТГ-т шалгуулна11 сар 18. 14:26Хууль бус мөрийтэй тоглоом зохион байгуулсан 10 этгээдийг баривчилжээ11 сар 18. 14:26М банк БНСУ-ын тэргүүлэгч дижитал банк болох КакаоБанктай хувьцаа эзэмших гэрээ байгууллаа11 сар 18. 14:24Н.Учрал: Батлан хамгаалах салбарыг эзгүйдүүлэхгүйн тулд Д.Батлут сайдын өргөдлийг хараахан зөвшөөрөөгүй11 сар 18. 14:23НӨАТ-ын сугалааны тохирол өнөөдөр 13:00 цагаас эхэлнэ11 сар 18. 14:22Н.Учрал: Өнөө шөнө энгийн АИ-92 шатахууныг литр тутамд 150 төгрөгөөр, еврог нь 1000 төгрөгөөр бууруулна11 сар 18. 14:20Ц.Идэрбат: Үхрийн арьсаа тушаасан малчин бүрд арьс ширний урамшууллыг хурдан олгоно11 сар 18. 14:19ГАН ҮЙЛДВЭРЛЭЛИЙН ЦОГЦОЛБОР ТӨСЛИЙН ХӨРӨНГӨ ОРУУЛАГЧИЙГ СОНГОН ШАЛГАРУУЛАХ ҮНЭЛГЭЭНИЙ ХОЁРДУГААР ШАТНЫ ХУРАЛДААН БОЛЛОО11 сар 18. 14:08ГАЗРЫН ТОСНЫ БҮТЭЭГДЭХҮҮН ХАДГАЛАХ 3000 МЕТР КУБ БАГТААМЖТАЙ НӨӨЦИЙН АГУУЛАХ АШИГЛАЛТАД ОРЛОО11 сар 18. 14:07АҮЭБЯ: БҮТЭЭГДЭХҮҮН ХУВААХ ГЭРЭЭНИЙ ҮҮРГИЙН БИЕЛЭЛТИЙГ ХАНГУУЛАХ, ХУГАЦАА ХЭТЭРСЭН ӨР ТӨЛБӨРИЙГ ШҮҮХЭД ӨГӨХИЙГ АМГТГ-Т ДААЛГАВ11 сар 18. 11:31Зээлийн батлан даалтын сан "ACSIC"-ийн уулзалтад оролцлоо11 сар 17. 14:48
© 2026 он. Зохиогчийн эрх хуулиар хамгаалагдсан.