Дэлхийн хамгийн аюултай эмэгтэй


9-р сарын 19
13 цаг 52 минут

"Ким Ё Жон бол өдгөө Солонгосын бүх түүхэн дэх, магадгүй дэлхийн түүхэн дэх дэлхийн хамгийн аюултай эмэгтэй" гэж Тафтсын их сургуулийн Флетчер сургуулийн профессор Сун Юн Ли тайлбарлав. Ким Ё Жон харьцангуй залуу, тодруулбал, есдүгээр сарын сүүлээр 36 нас хүрч байгаа. Тэрбээр Хойд Солонгосын удирдагч, ах Ким Жон Уны дор де-факто орлогчийн үүргийг гүйцэтгэж, эрэгтэйчүүд давамгайлсан хаалттай нийгмийн илүү зөөлөн дүр төрхийг олон улсад харуулдаг.

Ким Ё Жон 2011 онд эцгийнхээ хамт анх удаа олны өмнө харагдсан ч 2018 онд Өмнөд Солонгосын Пёнчан хотод болох өвлийн олимпод төлөөлөгчдийг ахалж ирсэн. Үүнээс хэдэн сарын дараа ахыгаа даган Өмнөд Солонгосын Ерөнхийлөгч асан Мүн Жэ Интэй хийсэн түүхэн дээд хэмжээний уулзалтад оролцсон юм. Сүүлд Ким Жон Уны  ОХУ-д хийсэн айлчлалд хамт иржээ.

Шинжээчид Ким Ё Жоныг ахынх нь залгамжлагч гэж тодорхойлсон ч зарим нь түүнийг ахынхаа хүүхдүүдийг насанд хүрч эрх мэдлийг авах хүртэл нь хариуцагчаар үйлчилж магадгүй гэж үзэж  байна. Гэхдээ ямар нэгэн хурцадмал байдал үүсвэл  2013 оны өвөл цаазлуулсан авга ах шигээ хувь тавилан түүнийг хүлээж байгааг Ким Ё Жон сайн ойлгож байгаа гэж Сун Юн Ли тайлбарлав. Гэхдээ Ким Ё Жон сүүлийн жилүүдэд ахтайгаа маш сайн гар нийлж ажиллаж байгаа мэт харагдсан гэв.

North Korean leader Kim Jong Un signs the visitors book next to his sister, Kim Yo Jong, during their visit to the Vostochny Сosmodrome to meet with Russian President Vladimir Putin on Sept. 13, 2023.

Өмнөд Солонгост айлчилснаасаа хойш Ким Ё Жон ахынхаа нэрийн өмнөөс болон засгийн газрынхаа нэрийн өмнөөс олон удаа шийдэмгий, зоригтой мэдэгдэл хийсэн. Тодруулбал, тэрбээр дор хаяж 40 удаа бичгээр мэдэгдэл хийж, Хойд Солонгосын нутаг дэвсгэрт байрлах хамтарсан харилцааны газрыг устгахыг тушаажээ.

Ажиглагчдын үзэж буйгаа Ким Ё Жон цөмийн зэвсгийн нөөцтэй холбоотой тодорхой эрх мэдэлтэй гэдгээ өнгөрсөн жил Өмнөд Солонгосын талд хандаж хэлсэн мэдэгдлээрээ онцолсон гэж үзэж байна. Тэрбээр хэрвээ Сөүлийн талаас буудсан нэг ширхэг сум ч  Хойд Солонгосын нутаг дэвсгэрт унавал Сөүлийг цөмийн бөмбөгөөр цохино гэж сүрдүүлсэн юм. "

"Бид Хойд Солонгост ч, Солонгосын түүхэнд ч, дэлхийн түүхэнд ч, "Би чамайг цөмийн зэвсгээр цохилт өгөх эрх мэдэлтэй" гэж энх тайванч, ардчилсан хөрш улсдаа заналхийлсэн эмэгтэйг харж байгаагүй" гэж Сун Юн Ли мэдэгджээ. Дэлхийн хамгийн хаалттай улсын эмэгтэй удирдагчийн талаар судалгаа хийх нь амаргүй. Гэхдээ Сун Юн Ли Хятад, Тайванийн бүх эх сурвалжууд дээр гарсан Ким Ё Жоны тухай нийтлэл, зураг, видео бичлэг болон өөрийнх нь мэдэгдлүүдэд  дүн шинжилгээ хийсний үндсэн дээр түүнийг Пёньянд өвөрмөц эрх мэдэл бүхий хүчирхэг байр суурь эзэлдэг гэж дүгнэжээ.

Hermit Kingdom summit

БНАСАУ нь Ким Ё Жоныг зэвсэг болгон ашигладаг гэж тэрбээр тайлбарлав. Учир нь Ким  Ё Жон НҮБ-ын тэргүүн эсвэл аливаа улсын ерөнхийлөгчтэй уулзаад "За, дипломат харилцаагаа сайжруулах эсвэл цөмийн зэвсгээс татгалзах тухай ярилцъя" гэвэл эмэгтэй хүн болохоор нь  илүү итгэл үзүүлж, нааштайгаар хүлээн авах хандлагатай гэнэ. Гэвч бодит байдалд тэрбээр бидний бодож буйгаас илүү ухаалаг, амбицтай нэгэн. Тиймээс бид түүнийг илүү нухацтайгаар хүлээн авч үзэх хэрэгтэй гэж Сун Юн Ли  мэдэгджээ.

ЭХ СУРВАЛЖ: FOX NEWS

 
АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

"Амь нас, эрүүл мэндээ эрсдэлд оруулан ажилладаг алба хаагчдадаа баярлалаа"5 сар 17. 16:41Альцгеймер өвчин хүнээс хүнд халдах магадлалтай5 сар 17. 16:40Саналын хуудас нэр дэвшигчид болон нам эвсэлд гэсэн хоёр хэсэгтэй байна5 сар 17. 16:39Цэргийн ёслол, хүндэтгэлийн жагсаалд 1600 орчим алба хаагч, тусгай албаны техник хэрэгсэлтэй оролцов5 сар 17. 16:38Нэр дэвшигчдээс мөнгөн болон мөнгөн бус хөрөнгө шаардах нь хууль бус үйлдэл5 сар 17. 16:3726 жил сураггүй болсон эрэгтэй зооринд олзлогдсон байжээ5 сар 17. 16:37Сураггүй болсон уулчин Ц.Өсөхжаргалын цогцсыг олжээ5 сар 17. 16:34"Шүүгчид өөрсөддөө хариуцлага тооцуулахгүй байх лоббиг хүчтэй хийсээр байна"5 сар 17. 16:31Газын зурваст АНУ-ын тусламж хүрэхэд бэлэн болов5 сар 17. 16:30Вийрават “Биг” Течакижатори: Монголын номын зах зээл жижигхэн ч боломж ихтэй5 сар 17. 16:22“Шинэ газрын тос” гэгдэх болсон зэсийг тойрсон хулгайн гэмт хэрэг дэлхий даяар нэмэгджээ5 сар 15. 16:03"Евро-Азийн зорчигчийн зах зээлээс Улаанбаатараар дамжих транзит зах зээлийг хөгжүүлнэ"5 сар 15. 16:02
© 2024 он. Зохиогчийн эрх хуулиар хамгаалагдсан.