Унгар улсын төрийн дээд шагнал “Хүлэг баатрын загалмай” одонгоор Г.Эрэгзэнг шагнав


9-р сарын 19
13 цаг 49 минут

 ШУА-ийн Археологийн хүрээлэнгийн захирал, доктор, дэд профессор Г.Эрэгзэнг Унгар улсын төрийн дээд шагнал “Хүлэг баатрын загалмай” одонгоор шагнасныг Унгар Улсаас Монгол Улсад суугаа Онц бөгөөд Бүрэн эрхт Элчин сайд Борбала Анна Обрушанский албан ёсоор гардууллаа.

 ШУА-ийн Археологийн хүрээлэнгийн захирал Г.Эрэгзэнгийн Монгол-Унгарын шинжлэх ухаан, соёлын харилцааг хөгжүүлэхэд оруулсан хувь нэмрийг өндрөөр үнэлж ийнхүү шагнажээ. 

ШУА-ийн Археологийн хүрээлэн, НЗДТГ, Нийслэлийн Соёл урлагийн газар, Нийслэлийн Аялал жуулчлалын газар, Унгар улсын ЭСЯ, Унгар улсын Унгар судлалын хүрээлэн хамтран "Азийн хүннү ба Европын хүннүчүүдийн түүх, соёлын харилцаа хамаарлын судалгаа" эрдэм шинжилгээний төслийн хүрээнд Нийслэл Улаанбаатар хотын нутаг дэвсгэрт оршдог Бэлхийн амын хүннүгийн язгууртны цогцолбор дурсгалын судалгаа, хадгалалт хамгаалалт, тохижилтын ажлыг хамтран хэрэгжүүлж буй. Мөн Нийслэл хотын орчимд орших Ар Гүнтийн хүннүгийн оршуулгын дурсгалт газарт археологийн малтлага судалгааны ажлыг хамтран хэрэгжүүлж баялаг олдвор хэрэглэгдэхүүнийг нээн илрүүлэн, Азийн Хүннү гүрэн болон Аттила хааны Европын хүннүчүүдийн харилцаа холбоог антропологийн хэрэглэгдэхүүнд тулгуурлан генетикийн төвшинд баталгаажуулан тогтоосон нь шинжлэх ухааны өндөр ач холбогдол бүхий судалгаа болсон юм.

 Түүнчлэн ШУА-ийн Археологийн хүрээлэнгээс мөр зэрэгцэн хамтран ажилласан Унгар улсын Унгар судлалын хүрээлэнгийн захирал асан, доктор Хорват Лугошши Габор, Археологийн төвийн захирал, доктор Миклош Макольди, Археогенетикийн төвийн захирал, доктор Эндре Непарачки, археологич, доктор Чаба Хидан нарт Талархал илэрхийлсэн гэрчилгээг захирал Г.Эрэгзэн Элчин сайд Борбала Анна Обрушанскид уламжлан гардууллаа.

 

 

 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Гадаадад суугаа монголчуудад зөвлөх нь: Хушуу нэмэрлэхээс хуруу нэмэрлэ!7 цаг 42 минутын өмнөДаваа гарагт улсын арслан М.Бадарчид унасан бөхчүүдэд нөхөж цол олгоно7 цаг 48 минутын өмнөП.Сайнзориг УИХ-ын гишүүн Н.Алтанхуягийг мэтгэлцээнд дуудав7 цаг 49 минутын өмнөСонгуулийн сурталчилгааны зардал баялаг бүтээгчдийн орлого болов7 цаг 51 минутын өмнөТөмөр замын гарц, гармуудаар 400 орчим ан амьтан дайрч өнгөрчээ7 цаг 53 минутын өмнөУлаанбаатар-Прага чиглэлд нисэх тасалбарын үнэ 1.3 сая төгрөг байхаар тогтжээ7 цаг 54 минутын өмнөҮндэсний Эвслийн тэргүүн Н.Номтойбаяр ₮3.4 тэрбумаар үнэлэгдэх 16 автомашинтай7 цаг 55 минутын өмнөХятад: "MeToo" хөдөлгөөний тэмцэгч 5 жилийн ял авлаа8 цаг 3 минутын өмнөРичард Бреслин: Төв цэнгэлдэх хүрээлэнг бүрэн шинэчлэх шаардлагатай8 цаг 11 минутын өмнөУлаанбаатарт шинэ орон сууцны дундаж үнэ дөрвөн сая төгрөгт хүрчээ6 сар 13. 17:36НЗД-ын орлогч П.Сайнзориг, О.Номинчимэг нарыг шүүмжлэв6 сар 13. 17:34Маргааш төв талбайд эхлэх “Asia Folk 2024” наадмын нээлтэд Ираны хөгжимчин “Хуучрын аялгуу” бүтээлийг эгшиглүүлнэ6 сар 13. 17:33
© 2024 он. Зохиогчийн эрх хуулиар хамгаалагдсан.