Хятадын төрийн албан хаагчдад “iPhone” хэрэглэхийг хориглоогүй гэв


9-р сарын 14
17 цаг 21 минут

 Хятад улсын төрийн албан хаагчдад гадаадын гар утас хэрэглэх, худалдан авахыг хориглосон хууль тогтоомж, дүрэм журам гаргаагүй гэж тус улсын Гадаад хэргийн яам /ГХЯ/ лхагва гарагт мэдэгджээ.

“Хятад улс “Apple” зэрэг гадаадын брэндүүдээс ухаалаг гар утас худалдан авах, ашиглахыг хориглосон хууль, дүрэм журам, бодлогын баримт бичиг гаргаагүй” гэж ГХЯ-ны хэвлэлийн төлөөлөгч Бээжин хотод лхагва гарагт болсон ээлжит хэвлэлийн бага хурлын үеэр мэдээлсэн байна.

Өнгөрсөн долоо хоногт “The Wall Street Journal” сонинд Хятадын төв засгийн газрын агентлагуудын ажилтнуудад “iPhone” гар утсыг ажлын зориулалтаар ашиглахыг, цаашлаад ажлын байрандаа ийм ухаалаг гар утас авчрахыг хориглосон тухай эх сурвалжуудыг эш татан мэдээлсэн юм. Ийм мэдээлэл гарсны дараа “Apple”-ийн хувьцаа 4 хувиар унасан байна. Хятад улс уг хоригийг засгийн газрын дэмжлэгтэй агентлаг, төрийн өмчит аж ахуйн нэгжүүдийг хамруулан өргөжүүлэхээр төлөвлөж байна гэж “Bloomberg” агентлаг мөн уг мэдээлэлд ойр эх сурвалжуудыг эш татан мэдээлжээ.

Хятадын эрх баригчид хоригийн талаар амаар эсвэл чат группээр дамжуулан мэдэгдэж байгаа боловч энэ талаар албан ёсны удирдамж байхгүй байна гэж “The Wall Street Journal” мэдээлж байв. Харин Хятадын Гадаад хэргийн яам гадаадын утас ашиглахыг хориглосон албан ёсны бодлого байхгүй гэж мэдэгдсэн боловч албан бус удирдамжийн талаар ямар нэг тайлбар хийгээгүй байна.

“Apple” компанийн хувьцаа лхагва гарагт буюу шинэ “iPhone 15” гар утаснуудаа танилцуулснаас нэг хоногийн дараа 1 хувиар унажээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Дэлхий даяар нэг тэрбум гаруй хүн таргалалттай3 сар 1. 14:55Гурван өдөр дараалан улс, аймгийн цолтой бөхчүүдийн барилдаан болно3 сар 1. 14:53Apple ID-ийн нэрийг өөрчилнө3 сар 1. 14:49Бөөрөлжүүтийн станц метроны цахилгааны эх үүсвэрийг нийлүүлнэ3 сар 1. 14:47“Тэрбум мод” үндэсний хөдөлгөөн хэрэгжсэнээс хойш гарсан үр дүнг энэ сарын 5-нд хэлэлцэнэ3 сар 1. 14:46"Тархи, нуруу нугасны хавдрыг туяагаар эмчлэх мэс заслыг Монголдоо хийдэг боллоо"3 сар 1. 14:36Боловсролын салбарын их өгөгдлийн шинжилгээний цахим систем нэвтрүүлэв3 сар 1. 14:35“Эмэгтэй экспортлогчдыг дэмжих олон улсын сан”-г нээв3 сар 1. 14:20Сэтгэцфизиологийн үндсийг судалгааны үр дүн, баримт, нотолгоонд үндэслэн тайлбарлажээ2 сар 29. 15:53Боловсролын салбарын их өгөгдлийн шинжилгээний цахим систем нэвтрүүлэв2 сар 29. 15:52Хятад улс Орос, Украин болон өөр 3 улсад элч илгээнэ2 сар 29. 15:50АВСТРАЛИ: УЛС ТӨРЧ АСАН ГАДААДЫН ТАГНУУЛ БОЛЖЭЭ2 сар 29. 15:09
© 2024 он. Зохиогчийн эрх хуулиар хамгаалагдсан.