Монгол Улсын стратегийн хүнсэнд мах, гурил, улаанбуудай, сүү, ус зэрэг ордог. Засгийн газраас стратегийн хүнсний нөөцийг бүрдүүлэх тухай журмыг өнөөдөр баталсан байна.
Энэ талаар ХХААХҮ-ийн сайд Х.Болорчулуун "Энэ жилийн хувьд стратегийн зарим хүнсний нөөцийг бүрдүүлэх хангалттай боломж бүрдэж байна.
Засгийн газраас баталсан журмын дагуу нийслэл болон аймгийн шат шатны даргад хүнсний хангамж, аюулгүй байдлыг хангах, стратегийн хүнсний нийлүүлэлтийг тасалдуулахгүй байх, үнийг нэмэхгүй, тогтвортой байлгах үүргийг өглөө" гэв.
Тэрбээр "Монголчууд гурилыг хамгийн их хэрэглэдэг. Өнгөрсөн жилийн хувьд дотоодын улаанбуудайг борлуулж дуусаагүй байхад гаднаас буудай авахыг хориглосон бодлого баримталсан. Тийм ч учраас энэ зун хүртэл гаднаас буудай авалгүй гурилаа хийсэн. Харин 40,000 тонн дутагдсан улаанбуудайг зарим компани гаднаас авсан байгаа. Засгийн газраас улаанбуудайн хатуу үнэ тогтоох бодлого барихгүй, зах зээлийн жамаараа явдаг.
Энэ жил хангалттай улаанбуудай хурааж авах тул үнэ өсөх хандлага гарахгүй гэж үзэж байна.
Хүнсний ногооны тухайд хадгалалт, борлуулалт чухал учир гаднын ижил төстэй ногооноос дотоодын ногоогоо хамгаалах асуудлыг УИХ-аар хэлэлцэнэ.
ААН-үүд 6%-ийн хүүтэй зээлээр ногооны зоорийг аймаг, сумдад олноор барьж байгаа. Зоорины хангамж хүртээмжтэй болно" хэмээн сэтгүүлчийн асуултад хариулсан юм.
Сэтгэгдэл бичих