Үндэсний баяр наадам зохион байгуулж буй комиссоос нэгдсэн мэдээлэл өнөөдөр өгсөн билээ.
Энэ үеэр Наадам зохион байгуулах хорооны нарийн бичгийн дарга И.Баатархүү "Жуулчдад зориулсан тасалбарыг авахын тулд жуулчны компаниуд Нийслэлийн аялал жуулчлалын газарт хүсэлт гаргадаг зарчмаар явна. Тухайн хүсэлтийн дагуу хуваарилалтаа хийдэг.
Засгийн газраас 2023 оныг "Монголд зочлох жил" болгосонтой холбогдуулан жуулчдад зориулсан тасалбарыг тоог 400 орчмоор нэмэгдүүлсэн. Төв цэнгэлдэх хүрээлэн 11 мянган хүний суудалтай бөгөөд олон хүн хамруулахын тулд хоёр өдрийн тасалбарыг тусад нь худалдаалах шийдвэр гаргасан.
Бөхийн барилдааныг үзэх хүн 11-ний өдрийн тасалбарыг давхар авах шаардлагагүй гэсэн үг.
Соёл урлагийн салбар хорооноос жуулчдад зориулсан тоглолт, үзвэр үйлчилгээ зэрэг арга хэмжээг төлөвлөсөн. Баяр наадмын өдрүүдийн тасалбарын хүрэлцээ муу байна гэж жил бүр ярьдаг. Төв цэнгэлдэх хүрээлэнгээ томруулахгүй л бол уг асуудал яригдсаар байна" гэв.
Сэтгэгдэл бичих