Капитрон банк спортыг дэмжих, залуусыг спортоор хичээллэх, мэргэжлийн тамирчин болоход туслалцаа үзүүлэх, бүх нийтийг спортод уриалах зорилго, нийгмийн хариуцлагынхаа хүрээнд Монголын оюутны сагсан бөмбөгийн холбоотой хамтран ажиллахаар боллоо.
Хамтын ажиллагааны гэрээнд гарын үсэг зурах арга хэмжээнд Капитрон банкны Гүйцэтгэх захирлын Тэргүүн орлогч Б.Чандмань, Монголын оюутны сагсан бөмбөгийн холбооны Ерөнхийлөгч О.Тэнүүн нар оролцов.
Хамтын ажиллагааны хүрээнд БНХАУ-д 7 дугаар сарын 28-наас 8 дугаар сарын 8-нд болох “Ченгду 2021” олон улсын спортын наадамд оролцох Монгол Улсын сагсан бөмбөгийн шигшээ багийг Капитрон банк дэмжиж, “Ухаалаг ирээдүйн зүгт хамтдаа-Би биш бид” уриан дор талууд нэгдэн, хамтран ажиллана.
Дэлхийн оюутны Универсиад спортын их наадамд оролцох Монголын шигшээ багийн Ерөнхий дасгалжуулагчаар Грек Улсын иргэн, үндэсний дээд лигийн “Эрдэнэт Майнерс” багийн ерөнхий дасгалжуулагч Фрагиас Василиус ажиллаж байна. Энэхүү спортын их наадамд сагсан бөмбөгийн төрлөөр Дэлхийн шилдэг 16 улсын шигшээ баг оролцох бөгөөд Монгол улс "B" зонд Румын, Аргентин, Өмнөд Африкийн бүгд найрамдах улсын багтай тоглох юм.
Сэтгэгдэл бичих