Ар талыг минь баттай харж үлддэг ээж нартаа, ханьдаа маш их баярлалаа


5-р сарын 25
11 цаг 53 минут

Олон хүүхэд төрүүлж, тэднийгээ эрүүл өсгөн торниулж буй ээжүүд өнөөдөр Алдарт эхийн одонгоор энгэрээ мялааж байна. 

Хүүхдүүдээ өсгөн хүмүүжүүлэх, өөрсдийн ажил албаа тэнцвэртэйгээр явах нь ээжүүдийн хувьд том даваа. Тиймээс гэр бүлийн туслалцаа хамгаас чухал гэдгийг тэд онцолж байлаа.

Алдарт эхийн одон хүртсэн ээжүүдийн төлөөллөөс сэтгэгдлийг нь хүргэе.

Жүжигчин Г.Чулуунцэцэг "Манай гэр бүл 1-12 насны дөрвөн сайхан хүүхэдтэй. Өнөөдөр Алдарт эхийн II одонгоор энгэрээ мялааж байгаадаа баяртай байна. Одон авч буй бүх сайхан ээждээ баярын мэнд хүргэе. Удахгүй болох Эх үрсийн баярын мэндийг бяцхан үрсдээ мөн хүргэж байна. Энэ шагналыг авахад хүчин зүтгэсэн нөхөртөө баярлалаа (инээв). 

Хүүхдүүдийг маань хараад өгдөг хүнтэй байх тун сайхан. Ар талыг минь баттай харж үлддэг ээж нартаа, ханьдаа маш их баярлалаа. 

Өөрийнхөө болон Монголынхоо бүх сайхан ээжид Эх үрсийн баярын мэнд дэвшүүлье. Урт насалж, удаан жарган, эрүүл энх байгаарай гэж хүсье" хэмээв. 

Б.Ундрахжаргалант: Монголын үрсийн амьсгалах агаар нь цэвэр, амьдрах нийгэм нь эрүүл байгаасай

NTV телевизийн мэдээний албаны дарга, сэтгүүлч Б.Ундрахжаргалант "Энэ өдөр манай гэр бүлийн хувьд хамгийн дурсгалтай мөчүүдийн нэг байх болно.

Дөрвөн сайхан хүүхэд төрүүлж өсгөхийн зэрэгцээ ажил мэргэжлээ орхихгүй байх боломжоор хангадаг гэр бүл, хайрт ханьдаа, хайрт ээждээ талархахыг хүсэж байна. Хүүхэд нэмэгдэхийн хэрээр хариуцлага улам өсдөг. Манай гэр бүл эрдэм боловсролтой, зөв хандлагатай хүүхэд эх орондоо үлдээхийн төлөө маш их хичээж байгаа

Монголын үрс маш олон болох болтугай. Тэдний маань амьсгалах агаар нь цэвэр, амьдрах нийгэм эрүүл байх болтугай гэж хүсэж байна" гэлээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Гадаадад суугаа монголчуудад зөвлөх нь: Хушуу нэмэрлэхээс хуруу нэмэрлэ!6 цаг 54 минутын өмнөДаваа гарагт улсын арслан М.Бадарчид унасан бөхчүүдэд нөхөж цол олгоно7 цаг 1 минутын өмнөП.Сайнзориг УИХ-ын гишүүн Н.Алтанхуягийг мэтгэлцээнд дуудав7 цаг 2 минутын өмнөСонгуулийн сурталчилгааны зардал баялаг бүтээгчдийн орлого болов7 цаг 3 минутын өмнөТөмөр замын гарц, гармуудаар 400 орчим ан амьтан дайрч өнгөрчээ7 цаг 6 минутын өмнөУлаанбаатар-Прага чиглэлд нисэх тасалбарын үнэ 1.3 сая төгрөг байхаар тогтжээ7 цаг 7 минутын өмнөҮндэсний Эвслийн тэргүүн Н.Номтойбаяр ₮3.4 тэрбумаар үнэлэгдэх 16 автомашинтай7 цаг 8 минутын өмнөХятад: "MeToo" хөдөлгөөний тэмцэгч 5 жилийн ял авлаа7 цаг 16 минутын өмнөРичард Бреслин: Төв цэнгэлдэх хүрээлэнг бүрэн шинэчлэх шаардлагатай7 цаг 24 минутын өмнөУлаанбаатарт шинэ орон сууцны дундаж үнэ дөрвөн сая төгрөгт хүрчээ6 сар 13. 17:36НЗД-ын орлогч П.Сайнзориг, О.Номинчимэг нарыг шүүмжлэв6 сар 13. 17:34Маргааш төв талбайд эхлэх “Asia Folk 2024” наадмын нээлтэд Ираны хөгжимчин “Хуучрын аялгуу” бүтээлийг эгшиглүүлнэ6 сар 13. 17:33
© 2024 он. Зохиогчийн эрх хуулиар хамгаалагдсан.