"Үхсэн малын мах боловсруулсан гэх "Үүлэнгөү" үйлдвэрийг лацадсан"


5-р сарын 8
13 цаг 24 минут

Өнгөрсөн амралтын өдрүүдэд Эмээлтэд ажлын хэсэг гарч, шалгалт хийж үхсэн малын махыг боловсруулсан "Үүлэнгөү" компанийн үйлдвэрийг лацадсан талаар мэдээлэл гарсан. Энэ талаар Хүнс, хөдөө аж ахуй, хөнгөн үйлдвэрийн яамнаас мэдээлэл өгч байна.

ХХААХҮЯ-ны мэргэжилтний өгч байгаа мэдээллээр, яамны шалгалтын баг өнгөрсөн Бямба гаригт Эмээлтэд газар дээр нь очиж хяналт шалгалт явуулсан. Биднийг очиход цагдаагийн газраас очиж тус үйлдвэрт иргэдийн гаргасан гомдлын дагуу мөрдөн шалгах ажиллагаа хийж байсан. 7-ны өдрийн 00:02 цагт цагдаагийн шалгалт дуусч, дараагаар Мал эмнэлгийн ерөнхий газар, ХХААХҮЯ-наас маханд үзлэг хийж, үйлдвэрийн үйл ажиллагаатай танилцсан. Үйлдвэрт өлгөж, гэсгээсэн 13-14 тонн мах байсан. Тавдугаар сарын 7-ны өглөөний 07:00 цаг хүртэл шалгалт үргэлжилсэн.

Тухайн үйлдвэрийг бүрэн лацадсан бөгөөд махны дээжийг авч шинжилгээнд өгч, үлдсэн хэсгийг хөргүүрт хийсэн.

Үйлдвэрийн удирдлага болоод ажилчдаас цагдаагийн байгууллага мэдүүлэг авч байгаа. Нийт 10 дээж авсан бөгөөд шинжилгээний хариу гараагүй байна. Урьдчилсан хариу 72 цагийн дотор гардаг. Үйлдвэрийн бүх гадна хаалгыг лацадсан бөгөөд нийт 6-7 хаалгыг битүүмжилж гадагш болон дотогш мах оруулах боломжгүй болсон. Мөн зоорийг лацадсан.

Газар дээр нь очиж танилцахад үхсэн малын мах байж болзошгүй нөхцөл байдал илэрсэн.

Үйлдвэрийн ажилчдын хэлж байгаагаар экспортод гаргах гэж бэлтгэсэн мах гэсэн. Холбогдох бүх бичиг баримтыг хуулийн байгууллага хурааж авсан. "Үүлэнгөү" компани нь 2022 оны зургадугаар сард хийсэн шалгалтаар үйл ажиллагааны дүгнэлтийн дагуу эрх нь цуцлагдсан байсан. Гэсэн ч хууль зөрчиж үйл ажиллагаа явуулж байсан учир хуулийн дагуу хариуцлага хүлээнэ. Шулж ангилж, өөхийг нь авсан учир Монголд тус махыг худалдаалах боломжгүй гэж үзэж байна гэлээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Зээлийн батлан даалтын сан "ACSIC"-ийн уулзалтад оролцлоо11 сар 17. 14:48“Made in Russia” форумд 86 орны төлөөлөл оролцжээ11 сар 17. 14:47Б.Энхбаяр: Сайдын ажлаа өгч, нэр төрөө сэргээлгэнэ11 сар 17. 14:47Галын аюулгүй байдлын дүгнэлтийг шуурхай гаргуулахаар хахууль өгсөн хэргийг прокурорт шилжүүлжээ11 сар 17. 14:39Ирэх пүрэв гарагт бүх нийтээр амарна11 сар 17. 14:38GOOGLE-ийн шаардлага хангасан ухаалаг сургуулийн загварыг аймаг, дүүрэг бүрд нэвтрүүлнэ11 сар 17. 14:37Хиймэл оюун ДНХ-гийн туршилтыг бие даан хийдэг болжээ11 сар 17. 14:35Э.Батшугар: Хүүхдийн хэл ярианы хөгжлийг бага наснаас нь дэмжинэ11 сар 17. 14:33Хууль зүйн дэд сайд Д.Мөнх-Эрдэнэ албан тушаалаасаа чөлөөлөгдөх хүсэлтээ өгчээ11 сар 17. 14:32У.Хүрэлсүх: Би ажлаа хүлээлгэн өгч нэр төрөө сэргээлгэнэ, шалгуулна11 сар 17. 14:31Хуситууд Йемений түр нийслэл Аден хот руу давшиж эхэлжээ11 сар 16. 16:28Илон Маск тэргүүтэй 165 мянган хүн Хуангийг албан тушаалд нь буцаан томилохыг шаардав11 сар 16. 16:26
© 2026 он. Зохиогчийн эрх хуулиар хамгаалагдсан.