Дарьгангын БЦГ-ын аялал жуулчлалын бүсэд байрлах Ганга нуурын 95 хувь нь 2017 онд ширгэж байв. Эрдэмтэн судлаачдын дүгнэлтэд тулгуурлаж Төр, иргэний хамтын ажиллагааны дүнд "Ганга нуур" эргэн сэргэжээ.
Ширгэх аюул нүүрлэсэн Ганга нуур
Энэ талаар усны мэргэшсэн инженер Я.Болдбаатар хэлэхдээ, Ганга нуур нүүдлийн шувуудын дамжин өнгөрдөг таатай бүс нутаг. Ус намгархаг газрын нэг. Ганга нуурт жил бүр хунгийн чуулга болдог байсан. Гэтэл 2017 оны наймдугаар сард нуурын 95 хувь нь усгүй болж хатаж ширгэхэд уур амьсгалын өөрчлөлт хүчтэй нөлөөлсөн. Мөн ганга нуурыг тойроод 20,000 гаруй адуу, мал сүрэг өдөржин байдаг байв. Агаарын температур, салхи, шороон шуурга, малын хөл зэрэг зүйлсийн нөлөөгөөр Ганга нуур хатаж ширгэсэн. Тимээс Ганга нуурыг сэргээх судалгааг хийж эхэлсэн юм. Үүний үр дүнд артезиан даралттай хоёр худгийг гаргасан. Ингэснээр хур тунадас орохгүй, ган гачигтай үед артезиан худгийн усаараа нуурыг тэжээж, нуурын эрэг дагуу 17 километр орчмын хашаа барьж мал орохооргүй болгосон" гэлээ.
Эргэн сэргэсэн Ганга нуур
Мөн ганга нуур орчим амьдардаг 45 өрхийн дунд бэлчээрийн зориулалттай 10 худаг гаргаж, 10 га талбайд 8000 гаруй мод тарьж хамгаалалтын ойн зурвас байгуулж, нуурын эргээс 500м зайд аялагч, жуулчдад зориулсан тохижилтын талбай барьж байгуулжээ. Эдгээр ажлын үр дүнд нуурын усны түвшин нэмэгдэж жил бүр ирэх шувуудын тоо олширч, ганга нуурын эко систем эргэн сэргэжээ.
БОАЖЯ
Сэтгэгдэл бичих