Дэлхийн болон Монголын цаг уурын өдөр


3-р сарын 23
10 цаг 33 минут

Улаанбаатар /МОНЦАМЭ/. Дэлхийн болон Монголын цаг уурын өдөр өнөөдөр /23-3-23/ тохиож байна. Дэлхийн цаг уурын байгууллага /ДЦУБ/-ын гишүүн орнууд 1963 оноос эхлэн жил бүрийн 3 дугаар сарын 23-нд тухайн үеийнхээ тулгамдсан нэгэн чухал сэдвийн дор "Дэлхийн цаг уурын өдөр"-ийг тэмдэглэн өнгөрүүлдэг уламжлалтай болжээ.

Монгол Улсын хувьд Судар бичгийн хүрээлэнгийн 1924 оны 3 дугаар сарын 23-ны өдрийн тогтоолоор уг хүрээлэнгийн үндсэн бүтцэд “Огторгуйн одон орон гараг ба цаг уурыг шинжлэх салаа”-г байгуулж, улмаар анхны цаг уурын өртөөдийг байгуулж эхэлснээр Монгол Улсын Ус, цаг уурын албаны эхлэл тавигдсан гэж үздэг байна.

Монгол Улсын Ус, цаг уурын алба өнгөрсөн хугацаанд хүндрэл, бэрхшээл бүхнийг амжилттай даван туулж, үе үеийн ус, цаг уурчдын нөр их хөдөлмөр, зүтгэл, Дэлхийн цаг уурын байгууллага /ДЦУБ/-ын гишүүн орнуудын тусламж, дэмжлэгийн үр дүнд Монгол орны нийт нутгийг хамарсан ажиглалт, хэмжлийн нэгдсэн сүлжээтэй, ус, цаг уурын үзэгдэл явцыг урьдаас танин мэдэх, байгалийн гамшигт үзэгдлээс урьдчилан сэрэмжлүүлэх тогтолцоо бүрджээ. Түүнчлэн шинжлэх ухаан, техникийн орчин цагийн ололтод суурилсан, биеэ даасан Үндэсний алба болтлоо өргөжин хөгжиж байна. Сүлжээний өртөө, харуул, лабораторийг сүүлийн үеийн автомат хэмжлийн станц, нарийвчлал сайтай багаж, тоног төхөөрөмжөөр хангахад онцгойлон анхаарч, дэс дараатай арга хэмжээг авч хэрэгжүүлжээ. Өнөөдрийн байдлаар сүлжээний 180 орчим өртөө, харуулыг цаг уурын автомат хэмжлийн багажаар хангаад байна.

Дэлхийн цаг уурын байгууллагын гишүүн орнуудад ашиглаж буй өндөр хурдтай супер компьютерийн технологийг 2011 оноос эхлэн нэвтрүүлж, Дэлхийн болон бүс нутгийн хэмжээний тоон прогнозын загваруудыг өдөр тутмын үйл ажиллагаандаа бүтээлчээр ашиглаж байгаагийн үр дүнд Ус, цаг уурын байгууллагаас үйлчилгээнд гаргаж буй мэдээллийн чанар, нарийвчлал жилээс жилд сайжирч, хэрэглэгчид, малчид, ард иргэдийн сайшаалыг хүртэж, эрхэм үүргээ мэргэжлийн өндөр түвшинд биелүүлэн ажиллаж байна.

Ус, цаг уур, орчны хяналт шинжилгээний салбарын хөрөнгө оруулалт нэлээд нэмэгдэж, Засгийн газрын 2020-2024 оны мөрийн хөтөлбөрт автомат цаг уурын станцын сүлжээг өргөжүүлэх, супер компьютерийг шинэчлэх, Цаг уурын Допплерийн радарын сүлжээ байгуулах чиглэлээр хэд хэдэн томоохон арга хэмжээ тусгагдсан бөгөөд Чингэлтэй хайрхны Зүрх уулын оройд Цаг уурын Допплерийн “Х-band”-ын радарын станцыг шинээр суурилуулж, ашиглалтад оруулжээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

ЦЕГ: Баталгаагүй цахим хаягаас хандив тусламж хүсэхэд болгоомжтой байж, залилах гэмт хэргээс сэрэмжилнэ үү3 сар 27. 16:54Байгаль, цаг уурын өөрчлөлтийн сөрөг нөлөөг бууруулах тухай хуулийн төслийг УИХ-д өргөн барина3 сар 27. 16:52Эртний олдворуудаас микропластик олдов3 сар 27. 16:51Үндэсний баялгийн сангийн тухай хуулийн төслийг нэн яаралтай горимоор өргөн мэдүүлнэ3 сар 27. 16:51"Эрдэнэт үйлдвэрийн ажилчдын усанд орох өрөөнд байрлуулсан камер бичлэг хийдэггүй нь тогтоогдсон" гэв3 сар 27. 16:50Х.Нямбаатар: Метрог эсэргүүцэгчид суухгүй гэдгээ илэрхийлмээр байна3 сар 27. 16:50Аккумулятор дахин боловсруулах анхны үйлдвэрийг ашиглалтад оруулав3 сар 27. 16:49Ши Жиньпин гадаадын бизнес эрхлэгчидтэй уулзав3 сар 27. 16:48Гепатитын D вирусийн халдвартай 66 мянган хүн байна3 сар 27. 16:48Замын-Үүд-Эрээн боомтын ачаа тээвэр ирэх сараас 24 цагаар ажиллана3 сар 27. 16:47ХУУЛЬ: Хүүхдээ хайхрахгүй, дарамталсан бол эцэг, эх байх эрхийг зургаан сараар хасна3 сар 26. 15:19Халдлага үйлдсэн 4 этгээдэд ялын дээд хэмжээ ногдуулахыг шаарджээ3 сар 26. 15:17
© 2024 он. Зохиогчийн эрх хуулиар хамгаалагдсан.