БНСУ-аас “Нэг Ази халдварт өвчний сургалтын төв”-ийг Монголд байгуулна


2-р сарын 3
10 цаг 25 минут

УИХ-ын гишүүн Улсын Их Хурал дахь Ардын эрүүл мэндийг дэмжих лобби бүлгийн дарга Ж.Чинбүрэн БНСУ-ын Үндэсний сүрьеэгийн нийгэмлэгийн Олон улсын хамтын ажиллагааны газрын дарга Чан Син Жүн, тус нийгэмлэгийн Ирээдүйн бизнес (инновац) хөгжүүлэх хэлтсийн дарга Чон Хэ Ен тэргүүтэй төлөөлөгчдийг өчигдөр (2023.02.02) хүлээн авч уулзлаа.

Уулзалтаар Монгол Улсад сүрьеэ болон халдварт өвчний тусламж үйлчилгээг сайжруулах зорилготой Олон улсын хөгжлийн хамтын ажиллагааны төсөл болон Сүрьеэгийн хавьтлын илрүүлэлт, хяналтыг сайжруулах төслийг үргэлжлүүлэн хэрэгжүүлэх чиглэлээр, мөн Монгол Улсад сүрьеэгийн халдварын оношилгооны чадавхыг сайжруулах, бэхжүүлэх төслийг хэрэгжүүлэхтэй холбогдуулан санал солилцов.  

Монгол Улсад сүрьеэгийн халдварын оношилгооны чадавхыг сайжруулах, бэхжүүлэх төслийн хүрээнд Монгол Улсад “Нэг Ази халдварт өвчний сургалтын төв” байгуулж, үйл ажиллагаа явуулахаар яригдаж буй бөгөөд тус сургалтын төвийг БНСУ-ын сүрьеэ, ковид зэрэг халдварт өвчнийг илрүүлэх, эмчлэх тэргүүлэх туршлага, технологид суурилан, Азийн хөгжиж буй орнуудын сүрьеэ болон халдварт өвчний тусламж үйлчилгээг сайжруулах зорилгоор байгуулах юм байна.

Энэ үеэр УИХ-ын гишүүн, Улсын Их Хурал дахь Ардын эрүүл мэндийг дэмжих лобби бүлгийн дарга Ж.Чинбүрэн “Нэг Ази халдварт өвчний сургалтын төв” байгуулахыг дэмжиж буйгаа илэрхийлээд, тус төслийг Монгол Улсын Засгийн газрын санхүүжилтээр Баянзүрх дүүрэгт баригдах сүрьеэгийн шинэ эмнэлгийн үйл ажиллагаатай уялдуулах талаар байр сууриа илэрхийлэв. Мөн Монгол Улсад сүрьеэтэй тэмцэх эмч нарыг бэлтгэх, сүрьеэг илрүүлэх, тэмцэхэд үр дүн гаргах төслүүдийг хэрэгжүүлэх тал дээр Монгол Улсын холбогдох байгууллагууд хамтарч ажиллах талаар байр сууриа илэрхийллээ.

Уулзалтын үеэр мөн сүрьеэгийн тархалтыг илрүүлэх хиймэл оюун ухаан болон мобайл технологид суурилсан төслийг “Нэг Ази халдварт өвчний сургалтын төв”-ийн үйл ажиллагааны хүрээнд боловсруулах, хэрэгжүүлэх чиглэлээр талууд санал солилцов.

Эх сурвалж: УИХ-ын Хэвлэл мэдээлэл, олон нийттэй  харилцах хэлтэс

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Яруу найрагч Ц.Хулан: Олигархийн мөнгөөр угжуулсан төрийн машинд толгойгоо тасдуулах цаг минь ирж3 сар 30. 15:02Л.Ганзориг: Шахмал түлшинд шохойн чулуу хольсон нь маш буруу. Одоо ч агаарт үүссэн саарал МАНАН арилаагүй байна3 сар 30. 14:32Хүнс, хөдөө аж ахуйн үйлдвэрлэл эрхлэгчдэд 982 тэрбум төгрөгийн зээл олгоно3 сар 30. 14:26Увс аймагт 4.3 магнитудын хүчтэй газар хөдөлжээ3 сар 30. 13:01АН-ын тамганы маргаанд Захиргааны хэргийн шүүх тайлбар хийв3 сар 30. 12:58Гурван настай хүүг эмчлүүлэхээр Турк улс руу явлаа3 сар 30. 12:57Эрх баригчид парламентын засаглалаа хамгаалах шийдвэр гаргалаа3 сар 30. 11:27Б.Хишигжаргал: Ковидоор өвдөж эдгэсэн иргэд аль болох эрүүл цэвэр агаараар амьсгалах, дасгал хөдөлгөөн хийх, амин дэмтэй хоол хүнс хэрэглэх шаардлагатай3 сар 30. 11:17Жагсаалтаар нэр дэвшигчдийн 50 хувь нь эмэгтэй байх саналыг Засгийн газраас өглөө3 сар 30. 11:15Элчин сайд нар Итгэмжлэх жуух бичгээ өргөн барив3 сар 30. 11:14Анагаахын шинжлэх ухааны үндэсний их сургууль боловсролын экспортыг хийж эхэллээ3 сар 30. 11:11Элчин сайд нар Итгэмжлэх жуух бичгээ өргөн барив3 сар 29. 14:35
© 2023 он. Зохиогчийн эрх хуулиар хамгаалагдсан.